Yamalning otasi aeroportda oficiant qizning yuziga tupurib, erkak kishiga stul otdi

2026-10-28 03:15:02 / Kiritdi: BestMaster  O'qilgan: 10036

"Barselona" klubining 19 yoshli vingeri Lamin Yamalning otasi Munir Nasraui Kataloniya poytaxti aeroportida mushtlashuv va janjal keltirib chiqarib, mojaro markazida qoldi.

Bu haqda Ispaniyaning El Español nashri xabar bermoqda.

Manbaga ko'ra, hodisa Barselona aeroportining kafeteriy hududida yuz bergan. Nasraui kurtkasini ruxsat etilmagan joyda qoldirgani sababli muassasa xodimasi tomonidan tanbeh eshitgan.

Ushbu etiroz erkakda tajovuzkorlik uyg'otdi: ular o'rtasida og'zaki tortishuv kelib chiqib, janjal avjida futbolchining otasi qizning yuziga tupurgan. Aeroport yo'lovchilaridan biri haqoratlangan oficiantning yonini olishga uringan, biroq Nasraui unga ham tashlanib, stulni olgancha himoyaga chiqqan erkakka uloqtirishga harakat qilgan.

Bu Yamalning otasi ishtirokida so'nggi kunlarda yuz bergan ikkinchi mojarodir.

Eslatib o'tamiz, o'tgan tunda Londondagi "Oltin to'p" topshirish gala-oqshomi yakunlanganidan so'ng, Nasraui "London Palladium" teatri yaqinidagi ko'chada Rossiya terma jamoasi sobiq sardori Andrey Arshavinning ko'z o'ngida to'polon ko'tarib, Rossiya delegaciyasi operatorining smartfonini sindirib qo'yishiga bir baxya qolgan edi.

Teglar: yamalning, otasi, aeroportda, oficiant, qizning, yuziga, tupurib, erkak, kishiga, stul, otdi,
← OldingaOrqaga →