Mbappening bitta xatosi La Ligaga 400 million evroga tushishi mumkin
/ Kiritdi: BestMaster O'qilgan: 1818
Xitoyning davlat teleradiokompaniyasi CCTV Kilian Mbappening Mao Czedun haqidagi so'zlari sababli Ispaniya chempionati o'yinlari translyatsiyasini to'xtatib qo'ydi.
Xitoyning davlat teleradiokompaniyasi CCTV "Real" hujumchisi Kilian Mbappening uni Mao Czedun bilan taqqoclaydigan mem haqidagi bayonotlari tufayli Ispaniya futbol chempionatini translyatsiya qilishni vaqtincha to'xtatdi.
Mbappega unga qaysi mem ko'proq yoqishi haqida savol berilgan. Fransiya terma jamoasi sardori shunday javob bergan: "Eng ko'p yuzim xitoylik diktator obrazida foydalaniladigan mem ustidan kuldim. Men uni do'stlarim bilan tez-tez ishlatib turaman".
Fransiya terma jamoasi sardori Xitoyning sobiq yetakchisining ismini tilga olmagan bo'lsa-da, so'nggi oylarda ijtimoiy tarmoqlarda uning yuzi Mao Czedunning portretiga montaj qilingan rasm keng tarqalgan edi.
El País nashrining Xitoyning The Paper nashriga tayanib xabar berishicha, La Liga o'yinlarini translyatsiya qilishni to'xtatib turish to'g'risidagi qaror dushanba kuni kechqurun kuchga kirgan. Shuningdek, Mbappe ishtirokidagi reklama materiallari va videoroliklar ham olib tashlangan.
Agar bu taqiq bekor qilinmasa La Liga 400 million evro zarar ko'radi.
Avvalroq, Mbappe ushbu mem uchun Xitoy Xalq Respublikasidan uzr so'ragandi.
Teglar: mbappening, bitta, xatosi, ligaga, million, evroga, tushishi, mumkin,
← OldingaOrqaga →
Bosh sahifaga
240
Bugun, 11:21