Temir yo'l halokati sababli Ispaniya Kubogining bugungi barcha o'yinlari qoldirildi

2026-10-28 18:09:01 / Kiritdi: BestMaster  O'qilgan: 1850

Ispaniya qirollik futbol federatsiyasi (RFEF) Toledo provinciyasida yuz bergan temir yo'l fojiasi munosabati bilan bugunga belgilangan Ispaniya Kubogining barcha o'yinlari boshqa muddatga ko'chirilganini ma'lum qildi.

28 oktyabr tongida Los-Ebenes va Urda municipalitetlari oralig'idagi yo'lda ikkita tezyurar poezd to'qnashib ketdi, oqibatda ulardan birining ikkita vagoni relsdan chiqdi. So'nggi ma'lumotlarga ko'ra, halokat tufayli 50 kishi halok bo'lgan, kamida 179 kishi jarohat olgan. To'qnashgan poezdlarda jami 544 nafar yo'lovchi bo'lgan.

"Chorshanba kuni erta tongda Toledo provinciyasida yuz bergan temir yo'l halokati qurbonlariga hurmat va hamjihatlik ramzi sifatida, RFEF Ispaniya Kubogi birinchi bosqichining kunduzi va oqshomda o'tkazilishi kerak bo'lgan barcha 24 ta o'yinini qoldirdi. Yaqin kunlarda RFEF turnirning qayta ko'rib chiqilgan taqvimini va qoldirilgan uchrashuvlarning yakuniy vaqtini e'lon qiladi.

Ispaniya futbol oilasi ushbu fojia munosabati bilan motamda birdamdir va dahshatli halokat jabrlanuvchilariga yordam berishda hukumatga o'z ko'magini taklif etadi", - deyiladi federatsiyaning rasmiy bayonotida.

Teglar: temir, halokati, sababli, ispaniya, kubogining, bugungi, barcha, oyinlari, qoldirildi,
← OldingaOrqaga →