PSJ "Bayer" yarim himoyachisini Kvaratsxeliyaga o'rinbosar deb bilmoqda

2026-10-29 13:24:01 / Kiritdi: BestMaster  O'qilgan: 3662

PSJ qishki transfer oynasida "Bayer" yarim himoyachisi Ibrohim Mazani sotib olishdan manfaatdor.

Manba ma'lumotlariga ko'ra, Parij klubi 20 yoshli futbolchining vakillariga o'z qiziqishi haqida allaqachon ma'lum qilgan. Maza PSJning ehtimoliy yangi futbolchilari ro'yxatidan o'rin olgan bo'lib, klub uni Xvicha Kvaratsxeliyaga o'rinbosar sifatida ko'rmoqda.

Eslatib o'tamiz, Kvaratsxeliya 20 oktyabr kuni Chempionlar Ligasi umumiy bosqichining 3-turi doirasida "Barselona"ga qarshi kechgan bahsda (4:2) o'ng tizzasidagi oldingi xochsimon paylarini uzib olgandi.

Shu bilan birga, "Bayer" Mazani sotmoqchi emas. Leverkuzen klubi yarim himoyachiga maoshini oshirgan holda 2030 yilgacha amal qiladigan yangi shartnoma taklif qilishni rejalashtirmoqda.

20 yoshli Maza 2026/27 yilgi mavsum barcha musobaqalarda 10 ta uchrashuvda maydonga tushib, 3 ta gol urdi va 3 ta golli uzatmaga mualliflik qildi. Transfermarkt portali uning transfer qiymatini 50 million evroga baholamoqda.

Teglar: bayer, yarim, himoyachisini, kvaratsxeliyaga, orinbosar, bilmoqda,
← OldingaOrqaga →