Skott Parker "Vest Xem" bosh murabbiyi etib tayinlandi
/ Kiritdi: BestMaster O'qilgan: 770
Skott Parker "Vest Xem" yangi bosh murabbiyi bo'ldi, deya xabar berdi klub matbuot xizmati.
46 yoshli mutaxassis 2,5 yillik shartnomaga qo'l qo'ydi.
Parker "Vest Xem" bosh murabbiyligi lavozimida 3 noyabr kuni iste'fosi e'lon qilingan Nunu Eshpiritu Santuning o'rnini egalladi.
"Bu lavozimga kelish hamda men va oilam uchun katta ahamiyatga ega bo'lgan klubga qaytish - men uchun juda hayajonli lahza. Bu yerda o'tkazgan davrim haqida ko'plab iliq xotiralar saqlanib qolgan - faoliyatimdagi, ehtimol, eng yaxshi bo'lgan to'rt yillik futbol. Ushbu imkoniyat meni juda ilhomlantirmoqda. Energiyam, ishtiyoqim, xohishim va ehtirosim ichimga sig'mayapti. Shuning uchun ham men bu yerdaman", – dedi Parker.
Parker 2007 yildan 2011 yilgacha "Vest Xem" safida 129 ta uchrashuv o'tkazgan. Murabbiy sifatida esa u "Fulxem", "Bornmut", "Bryugge" va "Byornli" jamoalarini boshqargan.
"Vest Xem" ayni damda Chempionship turnir jadvalida 23 ochko bilan 8-o'rinda bormoqda.
Teglar: skott, parker, vest, bosh, murabbiyi, etib, tayinlandi,
← OldingaOrqaga →
Bosh sahifaga
410