Hakam "Valensiya" bilan o'yindan so'ng xavfsizlik xodimiga zarba bergan Ryudigerning harakatlarini bayonnomaga kiritmadi
/ Kiritdi: BestMaster O'qilgan: 1580
La Liganing 12-turi doirasida kechgan "Real" va "Valensiya" (3:0) o'rtasidagi bahsdan so'ng "Mestalya" stadioni tribunasi ostidagi yo'lakda madridliklar futbolchilarining harakatlari hakam bayonnomasidan joy olmadi.
Avvalroq Jud Bellingem va Antonio Ryudiger o'yin yakunlanganidan so'ng mojaro ishtirokchilariga aylangani haqida ma'lumot paydo bo'lgan edi. Ikki jamoa o'yinchilari o'rtasida kiyinish xonasiga borish yo'lagida mushtlashuv kelib chiqqani xabar qilingandi. Emishki, Bellingem xavfsizlik xodimlaridan biriga zarba bergan, Ryudiger esa boshqasining yuziga tarsaki tushirgan. À Punt jurnalisti Nacho Sanchesning ma'lumotlariga ko'ra, jabrlangan qo'riqchilar bosh hakam Fransisko Ernandes Maesoga murojaat qilib, holatni qayd ettirishgan. Bellingem va Eder Militao "Valensiya" futbolchilari manziliga haqoratli so'zlar aytgan holda yo'lak tomon yo'l olishgani takidlangan edi.
Marca nashri ma'lumotlariga ko'ra, barchasi "Valensiya" sport direktori Braulio Vaskesning bosh hakam birinchi yordamchisiga keskin norozilik bildirishidan boshlangan. "Bu fol emas, toza yakkakurash - aql bovar qilmaydi!" - deya bir necha bor xitob qilgan funkcioner.
Bellingem Braulioning kostyumidan tortganida vaziyat yanada keskinlashgan - ehtimol, u funkcionerni hakam yordamchisidan uzoqlashtirishga uringan. Shundan so'ng uch nafar xavfsizlik xizmati xodimi aralashib, "Real" o'yinchilarini kiyinish xonasi eshiklari tomon sura boshlagan. Yuzaga kelgan tartibsizlikda mushtlashuv boshlangan: xodimlar mojaro tomonlarini ajratishga urinayotgan vaqtda Ryudiger xavfsizlik xizmati vakilining yuziga zarba bergan. Himoyachi buni qasddan yoki tasodifan qilganiga aniqlik kiritilmagan. Konate mojaro ishtirokchilarini bir necha bor: "Xotirjam bo'ling!" deya tinchlantirishga uringan.
Konflikt shundan so'ng davom etmagan, biroq xavfsizlik xizmati xodimlari bosh hakamga "Real" markaziy himoyachisi tomonidan hujumga uchraganliklarini ma'lum qilishgan. "Valensiya"da yuz bergan holatning videoyozuvi mavjud va klub bu incident nega o'yinning rasmiy bayonnomasida aks ettirilmaganidan hayratda. Yozuvda futbolchilar o'zaro turtinib, zarbalar almashayotgani yaqqol ko'rinadi.
Hakam Fransisko Ernandes Maeso o'z bayonnomasida ushbu voqealar haqida hech narsa eslatib o'tmagan, faqatgina Braulioning noroziligiga e'tibor qaratgan.
"O'yin tanaffusi vaqtida tribuna osti yo'lagida "Valensiya" sport direktori Braulio Xesus Vaskes Benites ushbu hududda bo'lgan va mojaroga aralashgan. U mening birinchi yordamchim bilan tortishib qolib, unga bir necha bor baland ovozda shunday so'zlar bilan murojaat qildi: "Bu fol emas, bu fol emas! Aql bovar qilmaydi!" Bundan tashqari, men uning yonidan o'tayotganimda u ko'p bor menga yuzlanib, bir xil gaplarni asabiy tarzda takrorladi. Yuzaga kelgan vaziyatda Milliy policiya xodimlarining aralashuvi talab etildi: ular uning shaxsini aniqlashdi va shundan so'ng voqeaga barham berish maqsadida unga nisbatan majburiy choralar qo'llashga hamda uni bu hududdan olib chiqib ketishga majbur bo'lishdi", - deyiladi arbitr bayonnomasida.
Teglar: hakam, valensiya, bilan, oyindan, song, xavfsizlik, xodimiga, zarba, bergan, ryudigerning, harakatlarini, bayonnomaga, kiritmadi,
← OldingaOrqaga →

Bosh sahifaga
658
8 Noyabr 2026, 17:54