Toshkentlik futbolchi Qozog'iston fuqaroligini ololmayotganidan shikoyat qildi
/ Kiritdi: BestMaster O'qilgan: 350
O'zbekistondan Qozog'istonga ko'chib o'tgan futbolchi Azatbek O'razg'ulov bir yildan ortiq vaqt davomida mamlakat fuqaroligini ololmayotgani sababli chempionat o'yinlarida ishtirok eta olmayotganini ma'lum qildi.
Manbaning xabar berishicha, futbolchi Threads ijtimoiy tarmog'i orqali murojaat yo'llab, o'z muammosiga jamoatchilik e'tiborini qaratishni so'ragan.
O'razg'ulovning aytishicha, u bir yildan ko'proq vaqt avval Toshkentdan Qozog'istonga ko'chib o'tgan. Hozirda "Aris" klubi bilan mashg'ulotlarda qatnashayotgan bo'lsa-da, fuqarolik masalasi hal etilmagani tufayli rasmiy uchrashuvlarda maydonga tusha olmayapti.
"Men professional futbolchiman. Hozirda 'Aris' jamoasi bilan mashg'ulot o'tkazyapman, ammo Qozog'iston fuqaroligiga ega bo'lmaganim uchun chempionatda o'ynay olmayapman.
Fuqarolik olish uchun ko'p marta harakat qildim, biroq hech qanday natija bo'lmadi. Sizlardan meni qo'llab-quvvatlashingizni so'rayman", – deb yozgan O'razg'ulov.
Futbolchi o'zini Toshkentda tug'ilib o'sgan qozoq sifatida tanishtirgan va ijtimoiy tarmoq foydalanuvchilaridan ushbu vaziyatga e'tibor qaratishni so'ragan.
Hozircha O'razg'ulovning fuqarolik olish bo'yicha murojaatlari nima sababdan natijasiz qolayotgani ma'lum emas.
Teglar: toshkentlik, futbolchi, qozogiston, fuqaroligini, ololmayotganidan, shikoyat, qildi,
← OldingaOrqaga →
Bosh sahifaga
170
Bugun, 17:58