O'zbekistonga qarshi o'yin uchun Rossiya yig'iniga yetib kelgan PSJ darvozabonining chemodani yo'qoldi
/ Kiritdi: BestMaster O'qilgan: 1178
Fransiyaning PSJ klubi va Rossiya milliy terma jamoasi darvozaboni Matvey Safonov O'zbekistonga qarshi o'rtoqlik uchrashuvi oldidan noxush vaziyatga duch keldi.
Futbolchi milliy terma jamoa yig'iniga yetib kelish jarayonida chemodanlaridan biri yo'qolganini ma'lum qildi.
"Xoh ishoning, xoh ishonmang, hozir tonggi soat to'rt. Yetib keldim, bazaga ketyapman. Qandaydir bemani vaziyat. Chemodanlarimdan birini yo'qotishdi. Yaxshiyamki, butsalarim o'sha chemodanda emas ekan. Hech bo'lmaganda mashg'ulot o'tkazishga oyoq kiyimim bor.
Chemodan kelmasligi allaqachon ma'lum bo'lsa ham, kutishimni aytishdi. Kutdik, hujjatlarni rasmiylashtirdik. Keyin esa yukni faqat u kimning nomiga rasmiylashtirilgan bo'lsa, o'sha odam olib ketishi mumkinligini aytishdi.
Etkazib berishni taklif qilishdi. Muammo yo'q, faqat ikki kun ichida etkazishar ekan. Ammo men ertaga yoki endi indinga O'zbekistonga uchib ketaman. Marisha esa Krasnodarga ketadi. Unda chemodanni kimga etkazib berishadi?
Xullas, yig'in ajoyib boshlandi. Rahmat", – dedi Safonov.
Eslatib o'tamiz, Rossiya milliy terma jamoasi 12 noyabr kuni Toshkentda O'zbekistonga qarshi o'rtoqlik uchrashuvi o'tkazadi. Bahs "Paxtakor" markaziy stadionida soat 20:00 da boshlanadi.
Valeriy Karpin shogirdlari 17 noyabr kuni esa Krasnodarda Venesuela terma jamoasini qabul qiladi.
Teglar: ozbekistonga, qarshi, oyin, uchun, rossiya, yiginiga, yetib, kelgan, darvozabonining, chemodani, yoqoldi,
← OldingaOrqaga →
Bosh sahifaga
188
Bugun, 20:09