Bobur Abdurahmonov: “Proligada o'ynashga yoshlik qilishdi”

2026-11-09 18:21:01 / Kiritdi: BestMaster  O'qilgan: 4666

Proliganing so'nggi – 26-turidan o'rin olgan “Paxtakor farm” – “Kattaqo'rg'on” (0:2) uchrashuvidan so'ng mezbonlar bosh murabbiyi Bobur Abdurahmonov matbuot anjumanida ishtirok etdi.

- Bobur aka, mavsum yakunlandi. O'yin va mavsum haqida qisqacha fikrlaringizni bildirib o'tsangiz… 

- Bugungi o'yin to'g'risida gapiradigan bo'lsam, bolalar harakat qilishdi. Proligada baribir ozgina yoshlik qilishdi. Butun mavsum haqida gapiradigan bo'lsam, yosh bolalar baribir barqaror o'ynashmadi, yaxshi o'yinlarimiz ham bo'ldi. Balki mavsum oxirida ozgina kuch ham etmay qolgandir, bolalar charchagan. Keyingi yilga, xudo xohlasa, tayyorgarlik ko'ramiz, kamchiliklar ustida ishlab, bundan ham yaxshiroq o'ynashga harakat qilamiz.

- Bobur aka, bugungi o'yinda butun mavsum davomida deyarli almashinuvsiz o'ynagan jamoa sardori Mo'minjon Shuxratov maydonga tushmadi. Bu shunchaki boshqalarga imkoniyat berish bilan bog'liqmi?

- Shuxratov to'g'risida gapiradigan bo'lsam, deyarli hamma o'yinda o'ynadi, qolganlarga ham imkoniyat berishga qaror qildik. Oxirgi o'yinda ham Shuxratov ozgina xatolarga yo'l qo'yayotgandi, o'shanga dam berdik. 

- “Paxtakor farm”ning keyingi mavsum uchun kelajagini qanday ko'ryapsiz? 

- Keyingi yil… hozir mavsumni tugatib oldik, keyingi yil Proligada yoki Birinchi ligada o'ynashimizni rahbariyat hal qiladi.

Teglar: bobur, abdurahmonov, “proligada, oynashga, yoshlik, qilishdi”,
← OldingaOrqaga →