Kompani "Bavariya" ixtiyoriga qaytdi
/ Kiritdi: BestMaster O'qilgan: 1330
"Bavariya" bosh murabbiyi Vensan Kompani sog'lig'idagi muammolardan so'ng Myunxen klubining mashg'ulot bazasiga qaytdi.
Bu haqda insayder Fabricio Romano xabar berdi.
40 yoshli belgiyalik mutaxassis 23 oktyabr kuni o'zi kuzatayotgan "Bavariya" o'rinbosarlar jamoasining mashg'uloti vaqtida hushini yo'qotgan va kasalxonaga etkazilgandi. Tibbiy ko'rikdan so'ng shifokorlar Kompanida miya pardalarining ta’sirlanishi tashxisini qo'yishdi. Bungacha murabbiy virusli infekciyani boshdan kechirgan, biroq betobligiga qaramay ishlashda davom etgandi.
Keyinchalik Kompani shifoxonadan chiqarildi va uyida tiklanish jarayonini o'tadi. 10 noyabr kuni mutaxassis shifoxonaga tushganidan beri ilk bor klub mashg'ulot bazasida ko'rinish berdi. U terma jamoalar o'yinlari sababli noyabr oyidagi tanaffusdan so'ng jamoani boshqarishga qaytishi kutilmoqda.
Kompani 2024 yilning may oyidan beri "Bavariya"ni boshqarib kelmoqda. Uning qo'l ostida myunxenliklar ikki bor Germaniya chempionati va Superkubogida g'olib chiqishdi, shuningdek, mamlakat Kubogini qo'lga kiritishdi. Bunga qadar belgiyalik murabbiy "Anderlext" va "Byornli" klublarini shug'ullantirgan.
Teglar: kompani, bavariya, ixtiyoriga, qaytdi,
← OldingaOrqaga →
Bosh sahifaga
288
Bugun, 20:34