Gullit Ronaldu haqida: "Men ham terma jamoadan shunga o'xshash tarzda ketganman va bundan hanuzgacha afsuslanaman"
/ Kiritdi: BestMaster O'qilgan: 576
"Milan" hamda Niderlandiya terma jamoasining sobiq yarim himoyachisi Rud Gullit Krishtianu Ronalduning Portugaliya terma jamoasidan ketishi borasida o'z fikrini bildirdi.
Eslatib o'tamiz, forvard UEFA Millatlar Ligasi doirasidagi Norvegiyaga qarshi bahsda (2:1) maydonga tushmagach, milliy jamoa ixtiyorini o'zboshimchalik bilan tark etgan edi. Shundan so'ng u bayonot e'lon qilib, Jorje Jezushni unga berilgan vadalarni buzganlikda aybladi. Xususan, murabbiy matbuot anjumanida Krishtianu bilan kelishilgan gaplarni emas, boshqa narsani gapirganini ta'kidladi.
Shu tariqa, 5 noyabr kuni Ronaldu terma jamoadagi faoliyatini yakunlaganini rasman e'lon qildi.
- Bazilar Ronalduning xalqaro maydondan ketishini biroz shon-sharafsiz yuz berdi, deb hisoblamoqda. Nima deb o'ylaysiz, u kelajakda bundan afsuslanadimi? Messi bilan ulkan hurmat-ehtirom ostida xayrlashishdi. Ronaldu esa murabbiy bilan yuz bergan xunuk bahsdan so'ng ketdi, Pirs Morgan esa uning PR-agentidek yugurib, murabbiyni bunday darajada hech qachon o'ynamagan va nima haqida gapirayotganini bilmaydigan ahmoq, deb atadi. Ronalduning terma jamoadan ketishi haqida qanday fikrdasiz? - Men ham shunga o'xshash yo'l tutganman va bundan hanuzgacha pushaymonman (kuladi). Bazida his-tuyg'ularga berilib qaror qabul qilasan va o'zing istamagan shov-shuvni keltirib chiqarasan.
Men unga hamdardman. O'sha lahzada u qanday tuyg'ularni his qilganini tushunaman. Bu eng yaxshi qarormidi? Unday deb o'ylamayman. Terma jamoadan shu tarzda ketganimdan hanuzgacha afsuslanaman.
Umid qilamanki, u o'zi munosib bo'lgan Portugaliya safidagi so'nggi uchrashuvini o'tkazadi. Balki uning uchun maxsus o'yin, o'rtoqlik bahsi tashkil qilishar. Bunga chindan ham umid qilaman. Chunki u Portugaliya tarkibida fantastik o'yin ko'rsatgan, - deya javob berdi Gullit "Kristal Pelas"ning sobiq xo'jayini Saymon Jordanning savoliga.
Teglar: gullit, ronaldu, haqida, terma, jamoadan, shunga, oxshash, tarzda, ketganman, bundan, hanuzgacha, afsuslanaman,
← OldingaOrqaga →

Bosh sahifaga
829
11 Noyabr 2026, 20:40