Gadji Gadjiev o'zining "Oddiy murakkab o'yin" nomli kitobi taqdimotini o'tkazdi
/ Kiritdi: BestMaster O'qilgan: 304
Rossiyada xizmat ko'rsatgan murabbiy Gadji Gadjiev o'zining "Oddiy murakkab o'yin" ("Prostaya slojnaya igra") kitobi taqdimoti haqida fikr bildirdi.
"Bugun eng chinakam futbol davrasi yig'ildi. Kitobni yozishda yordam berganlarga rahmat. Agar Konstantin Stolbovskiy meni bir necha yil davomida tinch qo'ymay ishlashga undamaganida, na birinchi qism, na ikkinchisi bo'lardi. U hammasini o'ylab topdi, meni har tomonlama o'rab olib, qalbimda saqlanib yotgan barcha narsani yuzaga chiqardi. Bularning barini kitobga tushirish mendan ko'ra ancha istedodliroq insonlarning qo'lidan keladi. Bu kitobni eng ko'p tushunadiganlar murabbiylar bo'ladi", – dedi Gadjiev.
Gadji Gadjiev 1988 yili Seul Olimpiadasida oltin medallarni qo'lga kiritgan SSSR olimpiya terma jamoasi murabbiylar shtabida faoliyat yuritgan, shuningdek, SSSR, MDH va Rossiya terma jamoalarida ishlagan. Turli yillarda "Anji", "Krilya Sovetov", "Saturn", "Volga", "Amkar" va Yaponiyaning "Sanfrechche Xirosima" jamoalarini boshqargan. 2000 va 2007 yillarda Rossiyaning eng yaxshi murabbiyi deb topilgan. Avvalroq u “G'azalkent”ga taklif etilgani haqida xabar berilgan edi.
Teglar: gadji, gadjiev, ozining, oddiy, murakkab, oyin, nomli, kitobi, taqdimotini, otkazdi,
← OldingaOrqaga →

Bosh sahifaga
655
13 Noyabr 2026, 17:36