O'zbekistonga qarshi o'yin oldidan Saudiya Arabistoni terma jamoasining yana bir futbolchisi jarohat oldi
/ Kiritdi: BestMaster O'qilgan: 1176
Saudiya Arabistoni milliy terma jamoasi 17 noyabr kuni O'zbekistonga qarshi o'tkaziladigan o'rtoqlik uchrashuviga tayyorgarlikni davom ettirmoqda.
“Ar-Riyod” nashrining xabar berishicha, Georgios Donis shogirdlari 15 noyabr kuni Dohadagi “Al-Irsal” maydonida OAV uchun yopiq mashg'ulot o'tkazishgan.Mashg'ulotlarda jarohati sababli yig'inni tark etgan Muhammad Mahzari va Hammam al-Hammamidan tashqari barcha futbolchilar ishtirok etgan. Darvozabon Navof al-Aqidiy esa Qatardagi “Aspetar” tibbiyot markazida tiklanish jarayonini davom ettirmoqda. Alo al-Hajiy davolanish dasturini yakunlagan.Shuningdek, Saudiya Arabistoni futbol federatsiyasining rasmiy ma'lumotiga ko'ra, yarim himoyachi Sulton Mandash sonning orqa qismi mushaklarida og'riq sezgani sababli 15 noyabrdagi mashg'ulotni oxirigacha davom ettira olmagan. Futbolchi 16 noyabr kuni tibbiy tekshiruvdan o'tishi belgilangan.Saudiyaliklar O'zbekistonga qarshi bahs oldidan so'nggi mashg'ulotini 16 noyabr kuni o'tkazadi. Uning dastlabki 15 daqiqasi OAV vakillari uchun ochiq bo'ladi.“Ar-Riyod” nashri ikki terma jamoa o'rtasidagi o'zaro o'yinlar tarixiga ham to'xtalgan. Unga ko'ra, jamoalar hozirgacha 12 marta to'qnash kelgan. Saudiya Arabistoni 7 marta, O'zbekiston 4 marta g'alaba qozongan, yana bir uchrashuv durang bilan yakunlangan.Eslatib o'tamiz, Saudiya Arabistoni – O'zbekiston o'rtoqlik uchrashuvi 17 noyabr kuni Dohada, Toshkent vaqti bilan soat 20:30 da boshlanadi.
Teglar: ozbekistonga, qarshi, oyin, oldidan, saudiya, arabistoni, terma, jamoasining, yana, futbolchisi, jarohat, oldi,
← OldingaOrqaga →

Bosh sahifaga
559
Bugun, 18:54