"Navbahor" hujumchisining shikoyati Eronning "Istiqlol" klubiga muammo tug'dirmoqda
/ Kiritdi: BestMaster O'qilgan: 4494
Eronning "Istiqlol" klubi qishki transferlar oynasi ochilishi oldidan Qirg'iziston milliy terma jamoasi hujumchisi Joel Kojo bilan yuzaga kelgan nizoni hal qilishga urinmoqda.
“Football360” nashrining xabar berishicha, Tehron klubi FIFA qaroriga asosan ikki transfer davrida yangi futbolchilarni ro'yxatdan o'tkazish huquqidan mahrum etilgan. Jamoa jazo muddatini o'tab bo'lgan, ammo cheklovning bekor qilingani hali rasman tasdiqlanmagan.
Ayni paytda klub rahbariyatini eng ko'p tashvishlantirayotgan masala Joel Kojoning shikoyatidir.
Qayd etilishicha, Kojo "Istiqlol" bilan shartnomasi amalda bo'lgan paytda maoshlari to'lanmagani va Erondagi harbiy vaziyatni sabab qilib, kelishuvni bir tomonlama bekor qilgan. Shundan so'ng u FIFAga murojaat qilib, shartnoma muddati yakuniga qadar olishi kerak bo'lgan mablag'larni to'liq undirishni talab qilgan.
"Istiqlol" rahbariyati esa futbolchini Eronga qaytarishga urinilgani, biroq u zarur harakatlarni amalga oshirmaganini tasdiqlovchi hujjatlarga tayanmoqda.
Manbaga ko'ra, tomonlar o'rtasida kelishuvga erishish bo'yicha muzokaralar yakuniy bosqichga yaqinlashgan. Klub Kojo bilan nizoni hal qilsa yoki mazkur ish bo'yicha FIFA qarori qishki transfer davri yakunlanganidan keyin chiqsa, yangi futbolchilarni ro'yxatdan o'tkazish imkoniyatiga ega bo'lishi kutilmoqda.
Eslatib o'tamiz, Joel Kojo avval Samarqandning "Dinamo" va Farg'onaning "Neftchi" klublarida to'p tepgan. 2026 yil yozida esa "Navbahor" safiga qo'shilgan.
Teglar: navbahor, hujumchisining, shikoyati, eronning, istiqlol, klubiga, muammo, tugdirmoqda,
← OldingaOrqaga →

Bosh sahifaga
577
Bugun, 19:28