Vinisius JCH-2026dagi omadsizlikdan keyin Braziliya terma jamoasiga bo'layotgan tanqidlarga javob berdi
/ Kiritdi: BestMaster O'qilgan: 972
Braziliya terma jamoasi vingeri Vinisius Junior JCH-2026 nimchorak finalidan chiqib ketish va o'rtoqlik o'yinlaridagi mag'lubiyatlar ortidan yangrayotgan tanqidlarga munosabat bildirdi.
"Bunday vaziyatda tanqid bo'lishi tabiiy. Braziliya jahon chempioni bo'lmaganiga ancha bo'ldi, so'nggi mundialda esa musobaqani erta tark etdik. Muxlislar turnirni 4 yil kutishadi, biz esa butun mamlakat ishonchini oqlay olmadik. Ammo men Ronaldinyo va Ronaldo bilan tez-tez ko'rishib turaman, ular bizni doim qo'llab-quvvatlashadi. Bizga chin dildan yaxshilik tilaydigan insonlarga quloq solishimiz kerak.
Muxlislarning o'zi yangi chehralarni talab qiladi, murabbiy ularni chaqirsa, baribir norozilar topiladi. Barqaror o'yin uslubini shakllantirmagunimizcha qiyinchiliklarga duch kelaveramiz. Maqsadimiz - Amerika Kubogigacha eng yuqori formaga chiqish.
16 yoshimdan, yani "Real"ga o'tganimdan beri tanqidlar ostidaman. Ilgari o'rtoqlik o'yinlariga oddiy bahsdek qarardim, lekin terma jamoada har bir o'yin mundial bilan teng ekanini anglab etdim. Keyingi Jahon chempionatida 30 yoshda bo'laman, tajribam yanada ortadi. Muxlislar esa toki g'alaba qozonishni boshlamagunimizcha bizni tanqid qilaverishadi", – deya Vinisiusning so'zlarini keltiradi “Globo”.
Eslatib o'tamiz, 14 noyabr kuni Braziliya o'rtoqlik o'yinida Yaponiyaga 2:3 hisobida yutqazdi (Vinisius dubl qayd etdi). JCH-2026da esa braziliyaliklar 1/8 finaldayoq ishtirokini yakunlagan edi.
Teglar: vinisius, jch-2026dagi, omadsizlikdan, keyin, braziliya, terma, jamoasiga, bolayotgan, tanqidlarga, javob, berdi,
← OldingaOrqaga →

Bosh sahifaga
597