Joel Kojoning “Istiqlol”dan talab qilayotgan tovon puli miqdori ma'lum bo'ldi
/ Kiritdi: BestMaster O'qilgan: 5806
Eronning “Istiqlol” klubi bilan sudlashayotgan “Navbahor” hujumchisi Joel Kojoning moliyaviy davosi miqdori ma'lum bo'ldi.
Football Bartar nashri Fars agentligiga tayanib xabar berishicha, Qirg'iziston milliy terma jamoasi futbolchisi bilan bog'liq ishda “Istiqlol” mag'lub bo'lsa, unga taxminan 1,2 million evro tovon to'lashi mumkin.Avvalroq Kojo Tehron klubi bilan shartnomasini bir tomonlama bekor qilib, to'lanmagan maoshlari va shartnoma bo'yicha moliyaviy majburiyatlar yuzasidan FIFAga shikoyat qilgani xabar berilgan edi.“Istiqlol”ga qarshi Kojodan tashqari sobiq futbolchilari Dakens Nazon va Mussa Jenpo ham FIFAga murojaat qilgan. Klub ushbu nizolar va murabbiy Fabio Karille bilan bog'liq ishda mag'lub bo'lsa, umumiy tovon miqdori 4 million dollardan oshishi mumkin.Hozircha mazkur ishlar yuzasidan yakuniy qarorlar qabul qilinmagan. Kojo bilan bog'liq 1,2 million evrolik summa ham rasmiy belgilangan tovon emas, balki taxminiy hisob-kitob hisoblanadi.Eslatib o'tamiz, Joel Kojo avval Samarqandning “Dinamo” va Farg'onaning “Neftchi” klublarida to'p tepgan. Ayni paytda u Namanganning “Navbahor” klubi a'zosi hisoblanadi.
Teglar: kojoning, “istiqlol”dan, talab, qilayotgan, tovon, puli, miqdori, malum, boldi,
← OldingaOrqaga →

Bosh sahifaga
625