Masharipov va Ashurmatovning klubida mojaro: “Istiqlol” bosh murabbiyi iste'foga chiqdi
/ Kiritdi: BestMaster O'qilgan: 1158
Eronning “Istiqlol” klubi bosh murabbiyi Suhrob Baxtiyorizoda rahbariyat bilan yuzaga kelgan kelishmovchiliklar ortidan iste'foga chiqishga qaror qildi.
O'zbekistonlik futbolchilar Jaloliddin Masharipov va Rustam Ashurmatov to'p tepayotgan Tehron klubida mashg'ulotlar uchun zarur sharoitlar yaratilmagani murabbiyning noroziligiga sabab bo'lgan.Baxtiyorizoda “Farhixtegon” nashriga bergan intervyusida klubning sobiq rahbari Ali Tojerniyoni keskin tanqid qildi.“Mavsum boshida rahbariyatga mashg'ulot maydoni va futbolchilarning dam olishi uchun sharoit yaratish muhimligini aytgandim. Ammo oradan taxminan 20 kun o'tib, mendan bexabar holda “Ozodiy” stadionining 4-maydoni ijaraga olinganini bildim. Bu yerda ikkinchi jamoa va ayollar jamoasi shug'ullanar ekan. Hozir biz foydalanayotgan maydon “Istiqlol”ga munosib emas. Kiyinish xonasi bir vaqtning o'zida jihozlar ombori va murabbiylar xonasi vazifasini bajaryapti”, – dedi mutaxassis.U klub rahbariyatining moliyaviy siyosatini ham tanqid qildi.“Tojerniyo kabi rahbarlar mamlakat mablag'larini ayrim dallollik qiladigan, odob-axloqi past xorijlik murabbiylarga sarflashni va ularning qo'li ostida ishlashni afzal ko'rishadi. Ammo “Istiqlol” taqdiriga befarq bo'lmagan, mablag'larni to'g'ri sarflashni istaydigan murabbiyga hatto eng zarur sharoitlarni ham yaratib berishmaydi. Mening muammom shu”, – dedi Baxtiyorizoda.Murabbiyning takidlashicha, u mavsum boshida transfer taqiqlari va tarkibni kuchaytirish imkoniyati cheklanganiga qaramay, jamoa bilan ishlashga rozi bo'lgan. Biroq mashg'ulotlar uchun etarli infratuzilma mavjud emasligi uni iste'fo haqida qaror qabul qilishga undagan.Eron OAV ma'lumotiga ko'ra, “Istiqlol” rahbariyati Baxtiyorizodaning iste'fosiga qarshi chiqib, uni jamoada olib qolishga harakat qilmoqda.“Istiqlol” 22 noyabr kuni Osiyo Chempionlar ligasi Elit bosqichida BAAning “Al-Ayn” klubiga qarshi maydonga tushishi kerak. O'zbekistonlik ikki futbolchining jamoasi ushbu bahs oldidan murabbiylar shtabi bilan bog'liq noaniq vaziyatga tushib qoldi.
Teglar: masharipov, ashurmatovning, klubida, mojaro, “istiqlol”, bosh, murabbiyi, istefoga, chiqdi,
← OldingaOrqaga →

Bosh sahifaga
1225