Yens Vissing: "Al-Ittihod" boshqa xato qilishga haqli emas, "Paxtakor"ni mag'lub etishimiz kerak"
/ Kiritdi: BestMaster O'qilgan: 1580
Osiyo Chempionlar ligasi Elit bosqichi 5-turidan o'rin olgan "Al-Ittihod" – "Paxtakor" uchrashuvi oldidan tashkil etilgan matbuot anjumanida mezbonlar bosh murabbiyi Yens Vissing o'z fikrlarini bildirdi.
Nemis mutaxassisi "Paxtakor"ga qarshi uchrashuvda g'alaba qozonish muhimligini ta'kidlab, jamoasi g'alabali yo'lga qaytish va muxlislari qarshisida yaxshiroq o'yin namoyish etishni maqsad qilganini bildirdi.Vissing "Al-Ittihod" so'nggi uchrashuvda kutilgan o'yinni namoyish eta olmaganini tan oldi. Uning takidlashicha, jamoa "Paxtakor"ga qarshi bahsda o'z maydoni va muxlislari omilidan foydalanib, uch ochko jamg'arishga intiladi.Murabbiy xalqaro tanaffus davomida futbolchilarni tayyorlash bo'yicha samarali ish olib borilgani va jamoa o'z ishonchini tiklaganini qayd etdi. Saudiya Arabistoni terma jamoasi a'zolari klub ixtiyoriga yaxshi jismoniy va ruhiy holatda qaytgan.Vissing jamoaning so'nggi vaqtlarda ikki marta mag'lubiyatga uchragani haqida ham to'xtaldi. Biroq u mavjud sharoitlarni natijalar uchun bahona sifatida keltirishni istamadi. Mutaxassis asosiy e'tiborini jamoa o'yinini yaxshilash va futbolchilarni navbatdagi uchrashuvlarga tayyorlashga qaratayotganini ta'kidladi.Shuningdek, Vissing "Al-Ittihod"ning qita miqyosidagi musobaqada qayd etayotgan natijalaridan qoniqmayotganini yashirmadi. Uning fikricha, jamg'arish mumkin bo'lgan 12 ochkodan atigi 4 tasini qo'lga kiritish jamoaning maqsadlariga mos kelmaydi. Shu sababli klub keyingi uchrashuvlarda boshqa xato qilishga haqli emas.Mutaxassis mashg'ulotlar va uchrashuvlar davomida futbolchilarning jiddiy yondashuvi hamda jangovar ruhini ko'rib, ularga ishonayotganini bildirdi.Vissing qishki transfer oynasida jamoa tarkibini kuchaytirish ehtimoli haqida ham fikr bildirdi. Uning takidlashicha, asosiy vazifasi jamoani boshqarish, g'alabalarga erishish va futbolchilarning mahoratini oshirishdan iborat. Transfer masalalari esa murabbiylar shtabi va klub rahbariyati bilan hamkorlikda hal etiladi.Nemis mutaxassisi yozgi va qishki transfer oynalarida tarkibni kuchaytirish futbolda tabiiy jarayon ekanini, biroq bu muayyan futbolchilarni sotib olish talabi bildirilganini anglatmasligini qayd etdi.Vissingning qo'shimcha qilishicha, murabbiylar shtabi va klub rahbariyati har hafta jamoaning holatini tahlil qilib, o'yin sifatini yaxshilash va tarkibni kuchaytirish masalalarini muhokama qiladi."Al-Ittihod" – "Paxtakor" uchrashuvi 23 noyabr kuni Jidda shahridagi "Al-Inmo" stadionida bo'lib o'tadi.
Teglar: vissing, al-ittihod, boshqa, xato, qilishga, haqli, emas, paxtakorni, maglub, etishimiz, kerak,
← OldingaOrqaga →

Bosh sahifaga
412