Vadim Abramov: "Agar undan foydalanilmasa, VAR nima uchun kerak?"
/ Kiritdi: BestMaster O'qilgan: 1034
Superliganing 28-turidan o'rin olgan "Dinamo" – "Bunyodkor" (0:1) o'yinidan so'ng mezbonlar bosh murabbiyi Vadim Abramov matbuot anjumanida ishtirok etdi.
– O'yin haqida...– Qanday fikr bildirish mumkin? O'ynadik, yigitlarga etiroz bildirish qiyin – ular bor kuchlari bilan harakat qilishdi. Vaziyatlar yaratildi, ammo, afsuski, bugun to'p raqib darvozasiga kirmadi. Ikkinchi bo'limda raqib bir marta hujumga o'tib zarba berdi va to'p darvozadan joy oldi. Afsuski, biz o'zimizda yuzaga kelgan imkoniyatlardan foydalana olmadik. Bundan tashqari, o'sha vaziyatda "o'yindan tashqari holat" qayerdan topilgani tushunarsiz. Takroriy lavhani ko'rdik – o'yindan tashqari holat yo'q edi. – Bu qaysi gol haqida? Bugun uchta gol kiritilgan edi.– O'sha vaziyatda VAR hakamni hatto penaltini ko'rish uchun ham chaqirmadi, tushunyapsizmi? Nega bu yil bizning o'yinlarimizni bunday boshqarishayotganini bilmayman. O'tgan yili ham, aslida, hakamlik xatolari tufayli medallardan mahrum bo'lgan edik. Bu holat davom etmoqda. Ular o'z yondashuvlarini qayta ko'rib chiqib, yanada xolis hakamlik qilishadi, deb hali ham umid qilaman. G'alati hakamlik bo'lmoqda. Men aynan VAR tizimini nazarda tutyapman: nazarimda, vaziyatlarni ko'rib chiqish kerak. Agar undan foydalanilmasa, VAR nima uchun kerak? Bundan tashqari, avval ham takidlaganimdek, o'yinga 6 daqiqa qo'shib berildi. Ajablanarli, shunday emasmi? Axir penalti bilan bog'liq vaziyatni VAR orqali 86-daqiqadan boshlab 90-daqiqagacha ko'rib chiqishdi. 90-daqiqadan so'ng tablo vaqtni ko'rsatmay qo'ydi, shundan keyin yana VAR ko'rildi va natijada 6 daqiqa qo'shib berildi. Bunday bo'lishi qanday mumkin? O'yinchi almashtirishlar bo'ldi, undan oldin ham VAR vaziyatlarni tekshirdi, shunga qaramay atigi 6 daqiqa qo'shib berildi – bu shunchaki hayratlanarli. Ehtimol, shunday bo'lishi kerakdir. Boshqa gapim yo'q.– Bugungi uchrashuvda ishtirok etmagan O'rmonjonov va Abdusalomovning holati haqida ma'lumot bersangiz.– Abdusalomov jarrohlik amaliyotini boshdan kechirdi, O'rmonjonov esa mashg'ulot paytida jarohat oldi. U keyingi o'yingacha safga qaytadi, deb umid qilamiz. Vaziyat shunday.– Siz kutilmagan natijalar qayd etishni yaxshi ko'rasiz. "Neftchi"da allaqachon chempionlikka tayyorgarlik ko'rilayotgani va "Biz "Dinamo"ni mag'lub etib, chempion bo'lamiz" degan gaplar yurgani aytilmoqda. Yani ular bayramga tayyorlanishmoqda. Yaxshi manoda ularning bu bayramini buzishni istamasmidingiz?– Hozircha biz o'z bayramimizni o'zimiz buzyapmiz. Biz bugungi o'yin haqida gaplashyapmiz, men esa u tomonga hatto nazar solayotganim ham yo'q. "Neftchi"ning muammolari – "Neftchi"ning muammolari, bizning muammolarimiz esa – o'zimizning muammolarimiz. Bu yerda nimaga izoh berish mumkin? Tayyorgarlik ko'rishayotgan bo'lsa – ko'raverishsin.– Tarkibda yo'q futbolchilar mavzusini davom ettirsak: Avanesyan ketma-ket ikkinchi uchrashuvdirki, qaydnomaga kiritilmayapti. Nima sodir bo'lmoqda? U Transfermarkt talqiniga ko'ra klubning eng qimmat futbolchisi hisoblanadi.– Uning son ichki mushagida yirtilish bor. Bu jarohat uzoq vaqt davolanadi.– Bilishimcha, u o'rtoqlik uchrashuvida maydonga tushgan edi.– U aynan shu jarohat bilan yugurib yurgan. Keyinchalik MRT tekshiruvidan o'tganida, mushakda yirtilish borligi aniqlandi. U ancha vaqtdan beri jarohat bilan, faqat chap oyog'ida o'ynab yurgan ekan. Holat bunchalik jiddiy deb o'ylamagan edik, ammo jarohati og'ir ekani ma'lum bo'ldi.
– Uchrashuv davomida "Dinamo" hujumda biroz shoshma-shosharlik bilan harakat qilgandek tuyuldi. To'g'ri, vaziyatlar yaratildi, ammo jamoa xotirjamlikni saqlay olmagandek ko'rindi. Buning oqibatida raqibning xavfli qarshi hujumlari yuzaga keldi va himoya chizig'ida ham sarosima kuzatildi. Balki yigitlarda biroz asabiylashish va ruhiy bosim bordir?– Yo'q, ularda ruhiy bosim emas – shunchaki gol urishni istab shoshilishmoqda, orqa chiziqda esa tartibsiz o'ynab, noto'g'ri qarorlar qabul qilishmoqda. Biz bularni tushuntiryapmiz, ular bilan suhbatlashyapmiz, ammo, afsuski, hujumga o'tganimizda himoyachilarimiz raqib hujumchilarini nazorat ham qilishmayapti – shunchaki oldinga qarab, o'z hujumchilarimizga yordam berishga intilishmoqda. Menimcha, bu biz gol ura olmagan ikkinchi uchrashuv. Ha, ikkinchi o'yin: bir marta "Neftchi"ga qarshi o'yinda shunday bo'lgan edi, bu esa Kubok bahslarini ham qo'shib hisoblaganda, mavsumdagi barcha o'yinlar orasida gol ura olmagan ikkinchi uchrashuvimizdir. Afsuski, gol urdik, biroq uni bekor qilishdi.– Birinchi uzatma masalasiga kelsak, o'yin davomida harakatlar tushunarsiz va tartibsiz to'p uzatishlarga aylanib ketgandek tuyuldi. Aynan tezkor hujumlarni boshlash uchun aniq birinchi uzatma yetishmagandek ko'rinmadimi? – Odatda terma jamoalar o'yinlari munosabati bilan yuzaga keladigan tanaffusdan keyin bunday holat doim kuzatiladi. Futbolchilar o'yin ritmidan chiqib ketishadi, shu sababli bu holat aynan shu bilan bog'liq, deb o'ylayman.– Bugun o'tkazib yuborilgan golga e'tibor qaratsak: raqib uzoq masofadan zarba berdi, uni hech kim yopmadi. Xorazmda mag'lub bo'lgan o'yiningizda ham shunga o'xshash gol o'tkazib yuborgan edingiz. Muammo markazda bo'sh hudud qoldirilayotganidami, darvozabonning harakatlaridami yoki bu shunchaki tasodifmi?– Yo'q, bu vaziyatlar taqozosi, bunday holatlar bo'lib turadi. Nima ham deyish mumkin – futbolchi zarba berdi va to'p aniq bordi. Bu futbol – demak, bugun shunday bo'lishi kerak ekan. Shu bois hayron qoladigan joyi yo'q, bu futbol.– Turnir jadvaliga qaraganda, nazariy jihatdan ma'lum natijalar yuzaga kelgan taqdirda, "Dinamo" o'tish o'yinlari zonasiga tushib qolishi mumkin. Bunga qanday munosabatdasiz va jamoa bunday holatga qanday kelib qoldi?– Qanday kelib qoldik? Mana shunday kelib qoldik.– Bu holat mavsum oldidan qo'yilgan vazifalarga qanchalik mos keladi?– Mavsum allaqachon buzildi, chunki shu davr mobaynida tarkibda 13 nafar futbolchi o'zgardi. Mavsum boshiga nisbatan 13 nafar boshqa futbolchi o'ynamoqda – albatta, natija shunday bo'ladi. Qiyinchiliklar aynan shu bilan bog'liq. Yaxshiyamki, birinchi va ikkinchi davra oralig'idagi tanaffusda futbolchilarni qo'shimcha ro'yxatdan o'tkazishga qo'yiladigan taqiqdan qutulib qoldik. Barchasi aynan shu omil bilan bog'liq, shu bois shunday mavsum o'tmoqda.
Teglar: vadim, abramov, agar, undan, foydalanilmasa, nima, uchun, kerak?,
← OldingaOrqaga →

Bosh sahifaga
334