Шo'rpeshona "timsol"

Чempionat tugashiga 5 tur qolganda "Sautgempton", "Lester" va "Ipsvich Taun" jamoalari APLda jon saqlab qolish imkoniyatini yo'qqa chiqardilar. Qizig'i, "Sautgempton" darvozaboni Aaron Ramsdeyl faoliyatida uchinchi bor jamoasi bilan APLdan Чempionshipga tushib ketdi. Bungacha u "Bornmut" va "Шeffild Yunayted"ni quyi ligaga tushirib yuborgan, mana endi "Sautgempton".

Шu malumotni o'qib hayolimdan bizda ham shunga o'xshash "timsol" futbolchilar bormikin degan fikr o'tdi va tarixni biroz qarab chiqdim. Qizig'i, o'zimizda Ramsdeylga bu mavzuda dars o'tib beradigan futbolchi bor ekan. Ayni paytda "Aral" jamoasi sharafini himoya qilayotgan himoyachi Obid Jo'raboev faoliyati davomida oz emas, ko'p emas 7 ta klubni Oliy ligadan Birinchi ligaga tushirib yuborgan. To'g'ri, o'ynagan jamoalarini aynan u tushirib yubormagan. Lekin, u to'p tepgan jamoalar tushib ketgani fakt. Jo'raboevning "qurboni" bo'lgan jamoalar safiga "So'g'diyona", "Xorazm", "Lokomotiv", "Qizilqum", "Шo'rtan" (2 marta) va "Andijon" kiradi.

Obid Jo'raev o'ynagan mavsumda Oliy ligadan tushib ketgan jamoalar:

- 2009 yil. "So'g'diyona"da o'ynagan, 15-o'rin bilan 1-ligaga tushib ketgan;

- 2010 yil. 1-davrada "Xorazm"da o'ynagan, 14-o'rin bilan tushib ketgan. 2-davrada "Lokomotiv"da o'ynagan, 13-o'rin bilan tushib ketgan;

- 2011 yil. "Qizilqum"da o'ynagan, 13-o'rin bilan tushib ketgan. Lekin, keyingi mavsum navoiyliklar Oliy ligada o'ynashda davom etishgan, chunki 1-ligadan chiqqan "Guliston" Oliy ligada qatnasha olmasligini malum qilgan va "Qizilqum" qolgan;

- 2013 yil. 1-davrada "Шo'rtan"da o'ynagan, 14-o'rin bilan tushib ketgan;

- 2016 yil. 1-davrada "Navbahor"da o'ynagan, 15-o'rinni olib o'tish o'yinida "Norin"ni yutib Oliy ligada qolishni uddalagan namanganliklar. 2-davrada "Andijon"da o'ynagan, 16-o'rin bilan tushib ketgan;

- 2017 yil. "Шo'rtan"da o'ynagan, 14-o'rin bilan tushib ketgan.

Obid Jo'raboev 2021 yildan beri "Aral" safida to'p tepib kelmoqda. Himoyachi nukusliklarning Superligaga chiqishiga yordam berib bu qora ananaga chek qo'ysa kerak.