O'yin haqida
- Birinchi navbatda "FarDU" jamoasini Pro-ligadagi birinchi g'alabasi bilan tabriklayman. Meni yoddan chiqarmagan farg'onalik muxlislarga raxmat aytaman, hozir ham "Neftchi"ga muxlislik qilaman. O'yinga keladigan bo'lsak, biz 7 kundan buyon safardamiz. Taqvim zich, biz tayyorgarlik va tiklanishga to'liq ulgurmadik. O'yinni ko'rdingiz, bitta gol g'alabani hal qildi. Jamoamiz asosan 18-19 yoshli futbolchilardan iborat. Ular Pro-ligada debyut mavsumini o'tkazishayapti. Biz bu yigitlarni "Aral"ga va turli yoshdagi terma jamoalarimizga etkazib berishni maqsad qilganmiz. Yana bir bor "FarDU" jamoasini g'alaba bilan tabriklayman.
- "Xorazm" bilan o'yindan so'ng tarkibda qanday rotaciyalarni amalga oshirdingiz?
- Asosiy etiborni "FarDU" bilan o'yinga qaratgandik. "Lokomotiv" bilan o'yindan so'ng qisqa fursatda "Xorazm" bilan o'ynadik, bu uchrashuvda asosan o'yin amaliyoti kam futbolchilarga imkoniyat berdik. Aytib o'tganimdek, zich taqvim, shundan kelib chiqib harakat qildik. Yigitlarga raxmat, ular har bir o'yinda borlarini berishayapti.
- O'yin davomida yuzaga kelayotgan vaziyatlar haqida fikringiz?
- Tarkibimiz asosan yosh futbolchilardan iborat, bu haqida aytib o'tdim. Bazan tajriba ham etishmagan vaziyatlar bo'ladi. Standart vaziyatlarda qiyinchiliklarga duch kelayapmiz. Ishlashda davom etamiz, yosh futbolchilar o'yindan-o'yinga o'sib, tajriba to'plab boraverishadi.
Bosh sahifaga
363