Podkastning bu galgi sonida O'FA matbuot xizmati rahbari, sharhlovchi Davron Fayziev ishtirok etdi.
Podkast mualliflaridan biri Mirkomil Musaev Davron Fayzievdan shu avlodni yo'qotmaslik uchun nimalar qilish zarurligini so'radi.
"O'sha mashhur "Meksika avlodi" deymiz-ku, u avlod birinchisi bo'lgani uchun rostdan eyforiya tasiriga tushgan. Undan keyin U-16 Osiyo Kubogida chempion bo'lgan avloddan yaxshi futbolchilar etishib chiqdi. Шukurov shu avloddan edi. Ikkita avlod o'rtasidagi yillar tafovuti katta emas. Bunda haqiqatan psixologiya o'zgarib, bolalar o'zini yo'qotib qo'ygan. Mayli, bu ham bitta tajriba bo'lgan. Keyingilarida sekin-sekin xulosalar chiqarilgan. Hozir vaziyat yomon emas.
Bundan buyon ularga etibor kuchayadi. Uyog'i bolaning o'ziga bog'liq. Ayni paytda "Nyukasl" qiziqayotgan ekan, o'zimizning klublar ham qiziqadi. Lekin tortib ketish futbolchining o'zidan bo'ladi. Mana, masalan, Rustamjonov yulduzga aylandi. Videosini ko'rdim: maktabida dastxat olishyapti, mahallasida karnay-surnay chalinyapti. Agar shu holatda o'zini tiya olsa va yulduzlikka berilmasa, yaxshi bo'ladi. Ota-onasiga ham ko'p narsa bog'liq", – dedi Fayziev.
"90minutuz" podkasti to'liq holda:
Bosh sahifaga
360
27 Aprel 2025, 14:30