"Chelsi" "Real" hujumchisi Rodrigo bilan bog'liq vaziyatni sinchkovlik bilan kuzatmoqda va yozgi transfer oynasi ochilishi bilanoq uni o'z safiga qo'shish imkoniyatini ko'rib chiqmoqda. Bu haqda Goal xabar bermoqda.
Manba malumotiga ko'ra, hozircha London klubi "Real" bilan rasmiy muzokaralarni boshlamagan, biroq 24 yoshli futbolchining vakillari bilan aloqaga chiqqan.
Avvalroq, ommaviy axborot vositalarida Rodrigoning "Real"dagi o'z rolidan qoniqmaganligi va "Qirollik klubi"ni tark etish haqida o'ylayotgani to'g'risida xabarlar tarqalgan edi.
Joriy mavsumda Rodrigo barcha musobaqalarda 50 ta o'yinda ishtirok etib, 13 ta gol urdi va 10 ta gol uzatmasi berdi. Futbolchining klub bilan amaldagi shartnomasi 2028 yilning yozigacha mo'ljallangan. .
Bosh sahifaga
491