Biz esa milliy terma jamoamizning Qatarga qarshi kechgan o'zaro o'yinlar tarixiga nazar solamiz.
Terma jamoamiz o'z tarixida birinchi marotaba Qatar bilan 2000 yilda Livanda o'tkazilgan Osiyo Kubogida to'qnash kelgan. Livandagi musobaqa terma jamoamizning qita birinchiliklaridagi eng muvaffaqiyatsiz ishtiroki bilan esda qolgan. Vakillarimiz musobaqadagi dastlabki bahsni aynan Qatarga qarshi o'tkazishgan. Uchrashuv 1:1 hisobi bilan yakunlangan. Mirjalol Qosimov 73-daqiqada jarima zarbasidan hisobni tenlashtirgan. Keyingi ikki uchrashuvda terma jamoamiz o'z darvozasidan naqd 13ta gol o'tkazib yuborgan. Dastlab, Yaponiyaga 1:8, so'nggi turda esa Saudiyaga 0:5 hisobida mag'lub bo'lganmiz.
14.10.2000. Osiyo chempionati-2000. Livan.
O'zbekiston - Qatar 1:1
Gollar: Muhammad Al-Blushi - Mirjalol Qosimov
O'zbekiston: Pavel Bugalo, Bahtiyor Ashurmatov, Andrey Fyodorov, Mirjalol Qosimov, Otabek Shomurodov(Nig'matulla Quttiboev), Nikolay Shirshov, Maksim Shackix, Davron Fayziev, Sergey Lebedev, Rustam Do'rmonov(Andrey Akopyanc), Shuhrat Rahmonqulov(Igor Shkvirin).
Oradan bir yil o'tar-o'tmas terma jamoamiz yana Qatar bilan to'qnash keladi, bu safar Osiyoda o'tkaziladigan ilk mundialning saralashida. "Paxtakor" stadionida o'tkazilgan uchrashuvda Jafar Irismetov hisobni ochadi. Ikkinchi bo'limning dastlabki daqiqalarida Mirjalol Qosimov hisobni yiriklashtiradi. Yana Qosimov, yana jarima zarbasi va yana Qatar darvozasiga. Jassim Al-Tami 88-daqiqada hisobni qisqartiradi. Yakuniy hisob 2:1.
26.08.2001. JCH-2002 2-saralash bosqichi. "Paxtakor" stadioni.
O'zbekiston - Qatar 2:1
Gollar: Jafar Irismetov, Mirjalol Qosimov - Jassim Al-Tami.
O'zbekiston: Aleksey Polyakov, Asror Aliqulov, Mirjalol Qosimov, Sergey Lushchan, Andrey Vlasichev(Marat Axmerov), Bahodir Annamatov(Anvar Soliev), Davron Fayziev, Fevzi Davletov, Shirshov Nikolay, Maksim Shackix, Jafar Irismetov(Leonid Koshelev).
Safarda bahsda esa terma jamoamiz 2:2 hisobidagi jangovar durang qayd etadi. Futbolimiz afsonasi Qosimov esa yana bir bor qatarliklarni ranjitadi.
28.09.2001. JCH-2002 saralash bosqichi. "Al Arabi" stadioni.
Qatar - O'zbekiston 2:2
Gollar: Muhammad Al Enazi, Xalifa Ahmad - Mirjalol Qosimov, Nikolay Shirshov.
O'zbekiston: Aleksey Polyakov, Sergey Lushchan, Asror Aliqulov, Davron Fayziev, Aleksandr Xvostunov, Andrey Vlasichev, Fevzi Davletov (Baxtiyor Hamidullaev 46), Nikolay Shirshov, Mirjalol Qosimov (Andrey Akopyanc, 74), Ulug'bek Baqoev (Abduqahhor Marufaliev, 30), Jafar Irismetov.
2006 yili Osiyo Kubogi-2007 saralashida yana Qatar bilan bahslashamiz. Bahor faslining ilk kunida o'tkazilgan uchrashuvda terma jamoamiz o'z tarixida birinchi marotaba Qatarga mag'lub bo'ladi. Yakuniy hisob 1:2. Qizig'i shundaki, o'yindagi barcha gollarga qatarlik futbolchilar mualliflik qilishadi.
01.03.2006. Osiyo Kubogi-2007 saralash bosqichi. "Al Sadd" stadioni.
Qatar - O'zbekiston 2:1
Gollar: Odil Lami, Ali Solih Nasser - Muhammad Rajab (avtogol).
O'zbekiston: Evgeniy Safonov, Andrey Fedorov, Asror Aliqulov, Leonid Koshelev (Rinat Bayramov, 77), Viktor Karpenko (Anvar Soliev, 50), Vladislav Kiryan, Aleksandr Geynrix (Zafar Xolmurodov, 62), Aleksey Nikolaev, Timur Kapadze, Islom Inomov, Maksim Shackix.
Toshkentdagi javob uchrashuvida terma jamoamiz 2:0 hisobida ishonchli g'alabani qayd etgan. Terma jamoamizning gollariga Leonid Koshelev va Ilyos Zeytullaevlar mualliflik qilgan.
15.11.2006. Osiyo Kubogi-2007 saralashi. "Paxtakor" stadioni.
O'zbekiston - Qatar 2:0
Gollar: Leonid Koshelev, Ilyos Zeytullaev.
O'zbekiston: Ignatiy Nesterov, Andrey Fyodorov, Vitaliy Denisov, Aleksey Nikolaev, Asror Aliqulov, Vladislav Kiryan, Timur Kapadze(Ulug'bek Bakaev), Leonid Koshelev(Aleksandr Geynrix), Ilyos Zeytullaev(Viktor Karpenko), Server Jeparov, Maksim Shackix.
2010 yilgi mundial saralashining 3-bosqichining ilk uchrashuvini Dohada Qatarga qarshi o'yin bilan boshlagan. Lekin vakillarimiz startni muvaffaqiyatsiz boshlagan va Qatardan 0:3 hisobida mag'lubiyatni qabul qilib olgan. Saralash yakunida terma jamoamiz bor-yo'g'i 4 ochko bilan guruhda so'nggi o'rinni egallagandi.
06.09.2008. JCH-2010 saralash bosqichi. "Jassim Bin Hamad" stadioni.
Qatar - O'zbekiston 3:0
Gollar: Siddiq Majdi, Muhammad Hasan, Talal Al Blushi.
O'zbekiston: Ignatiy Nesterov, Ilhom Suyunov, Baxtiyor Ashurmatov, Asror Aliqulov, Islom Inomov, Aziz Haydarov (Aleksandr Geynrix, 46), Vitaliy Denisov, Odil Ahmedov, Timur Kapadze (Vagiz Galiulin, 66), Server Jeparov, Maksim Shackix (Ulug'bek Baqoev, 79).
Toshkentda o'tkazilgan javob o'yinida esa terma jamoamiz 3-saralash bosqichidagi yagona g'alabasini qo'lga kiritgan. Qatar "Paxtakor" stadionida yirik 4:0 hisobida tor-mor etilgandi. O'yin Farhod Tojievning benefisiga aylangan.
28.03.2009. JCH-2010 3-saralash bosqichi. "Paxtakor" stadioni.
O'zbekiston - Qatar 4:0
Gollar: Farhod Tojiev(xet-trik), Anvar Soliev.
O'zbekiston: Ignatiy Nesterov, Anvar G'ofurov, Hayrulla Karimov, Islom To'xtajo'xaev, Sahob Jo'raev, Viktor Karpenko(Stanislav Andreev), Odil Ahmedov, Jasur Hasanov, Server Jeparov(Timur Kapadze), Maksim Shackix(Anvar Soliev), Farhod Tojiev.
11 yillik tanaffusdan so'ng ikki mamlakat terma jamoalari yana bir marotaba Osiyo Kubogining guruh bosqichida maydonga chiqishadi. 2011 yilgi Osiyo Kubogi Qatar maydonlarida o'tkazilganidan xabaringiz bor. Musobaqaning ochilish o'yinidayoq MTJ mezbonlarga qarshi to'qnash keladi. Buyog'i esa tarix, uni o'zingiz ham eslaysiz. Ahmedovning "super" goli va 2:0 hisobidagi g'alaba.
07.01.2011. Osiyo Kubogi guruh bosqichi. "Halifa Interneyshnl" stadioni
Qatar - O'zbekiston 0:2
Gollar: Odil Ahmedov, Server Jeparov.
O'zbekiston: Ignatiy Nesterov, Sahob Jo'raev (Stanislav Andreev, 54), Viktor Karpenko, Anzur Ismoilov, Odil Ahmedov, Jasur Hasanov (Sanjar Tursunov, 66), Timur Kapadze, Aziz Haydarov, Server Jeparov, Maksim Shackix, Aleksandr Geynrix (Olim Navkarov, 89).
2012 yilning kuzida Qosimov boshchiligidagi terma jamoamiz Braziliya maydonlarida bo'lib o'tadigan mundial yo'llanmasi uchun kurashayotgan edi. Biz yana Qatar bilan bir guruhdan joy olgandik. Dohadagi safar bahsida terma jamoamiz 1:0 hisobida g'alabani tantana qiladi. Qiyin kechgan uchrashuvda Sanjar Tursunovning goli bizga uch ochkoni taqdim etgan.
16.10.2012. JCH-2014 4-saralash bosqichi. "Al Sadd" stadioni.
Qatar - O'zbekiston 0:1
Gol: Sanjar Tursunov.
O'zbekiston: Ignatiy Nesterov, Akmal Shorahmedov, Islom To'xtaxo'jaev, Anzur Ismoilov, Shohruh Gadoev (Vitaliy Denisov, 75), Jasur Hasanov, Sanjar Tursunov (Oleg Zoteev, 90), Timur Kapadze, Aziz Haydarov, Server Jeparov, Ulug'bek Baqoev (Aleksandr Geynrix, 87).
Toshkentdagi bahsda esa bizga faqatgina 6 to'p farqli g'alaba kerak bo'lgan yoki Janubiy Koreya o'z uyida Eronni mag'lub etishi kerak edi. Tanaffusga terma jamoamiz 0:1 hisobida yo'l olgan. Ikkinchi bo'limda esa qatarliklar darvozasiga 5ta to'p kiritganmiz, ammo bu etarli emas edi. Faqatgina 7:1 hisobidagi g'alaba bizga Braziliya "chipta"sini taqdim etishi mumkin edi. Seulda bahsning ikkinchi bo'limida Eron gol uradi va koreyaliklarni 1:0 hisobida mag'lubiyatga uchratadi. Biz guruhda uchinchi o'rinni egallaymiz va pley-off bahslarida Iordaniyaga penaltilar seriyasida mag'lub bo'lamiz.
18.06.2013. JCH-2014 4-saralash bosqichi. "Bunyodkor" stadioni.
O'zbekiston - Qatar 5:1
Gollar: Ilyos Abdulqodir - Bahodir Nasimov(dubl), Oleg Zoteev, Odil Ahmedov, Ulug'bek Bakaev.
O'zbekiston: Ignatiy Nesterov, Anzur Ismailov, Vitaliy Denisov, Akmal Shorahmedov, Odil Ahmedov, Jasur Hasanov(Oleg Zoteev), Sanjar Tursunov, Server Jeparov, Timur Kapadze, Farhod Tojiev(Ulug'bek Bakaev), Aleksandr Geynrix(Bahodir Nasimov).
Avstraliyadagi Osiyo Kubogiga tayyorgarlik jarayonida terma jamoamiz Qatarga qarshi o'rtoqlik o'yinida ishtirok etadi. Mirjalol Qosimov shogirdlari safarda yirik 0:3 hisobida mag'lubiyat uchrashadi, ammo bu uchrashuvning hech qanday rasmiy ahamiyatga ega emas edi.
06.10.2014. O'rtoqlik uchrashuvi. "Al Arabi" stadioni.
Qatar - O'zbekiston 3:0
Gollar: Sebastiyan Kuintana, Hassan Al Haydos, Meshal Mubarak.
O'zbekiston: Ignatiy Nesterov, Egor Krimec (Shavkat Mullajonov, 83), Bobur Yo'ldoshev (Islom To'xtaxo'jaev, 76), Vladimir Kozak, Vohid Shodiev (Navro'z Alimov, 70), Sardor Rashidov (Farrux Sayfiev, 70), Javlon Ibrohimov (Fozil Musaev, 67), Jamshid Iskanderov, Salim Mustafoev, Shuhrat Muhammadiev (Akmal Shorahmedov, 46), Igor Sergeev.
2016 yilning sentyabr oyida Samvel Babayan boshchiligidagi terma jamoamiz JCH-2018 3-saralash bosqchini boshlagan edi. 1 sentyabr kuni Aleksandr Geynrixning goli evaziga Suriya mag'lub etgan bo'lsak, keyingi uchrashuv safarda Qatarga qarshi edi. Kurashlarga boy kechgan uchrashuvning 87-daqiqasida Egor Krimec standart vaziyatdan uzatilgan to'pni boshi bilan raqib darvozasiga joylab qo'yadi va 1:0 hisobidagi g'alaba. Krimec o'z golini O'zbekiston Respublikasining birinchi prezidenti Islom Karimov xotirasiga bag'ishlaydi.
06.09.2016. JCH-2018 saralash bosqichi. "Jassim Bin Hamad" stadioni.
Qatar - O'zbekiston 0:1
Gol: Egor Krimec.
O'zbekiston: Aleksandr Lobanov, Anzur Ismoilov, Vitaliy Denisov, Egor Krimec, Islom To'xtaxo'jaev, Server Jeparov (Javohir Sohibov, 82), Odil Ahmedov, Otabek Shukurov, Sardor Rashidov (Aleksandr Geynrix, 59), Igor Sergeev, Eldor Shomurodov.
Javob uchrashuvi ham terma jamoamiz uchun oson kechmaydi. Qatar ancha tartibli himoyalanadi. Uchrashuvning 65-daqiqasida Odil Ahmedov jarima zarbasidan unumli foydalanadi va terma jamoamiz uchun qimmatli bo'lgan uch ochkoni taqdim etadi.
28.03.2017. JCH-2018 3-saralash bosqichi. "Bunyodkor" stadioni.
O'zbekiston - Qatar 1:0
Gol: Odil Ahmedov.
O'zbekiston: Aleksandr Lobanov, Anzur Ismailov, Egor Krimec, Davron Hoshimov, Aziz Haydarov, Server Jeparov,(Vadim Afonin), Odil Ahmedov, Aleksandr Merzlyakov, Sardor Rashidov(Marat Bikmaev), Igor Sergeev(Temurxo'ja Abduholiqov), Eldor Shomurodov.
Ektor Kuper boshchiligidagi terma jamoamiz 2018 yilning kuzida navbatdagi Osiyo Kubogiga tayyorgarlik ko'rish maqsadida Qatar jamoasini Toshkentga o'rtoqlik o'yiniga taklif etgandi. "Bunyokdor" stadionida o'tkazilgan bahsda Odil Ahmedov va Marat Bikmaevlarning gollari evaziga terma jamoamiz 2:0 hisobidagi g'alabani rasmiylashtirgan edi. Qizig'i shundaki, ikki oydan so'ng Toshkentda mag'lub bo'lgan Qatar o'z tarixida birinchi marotaba Osiyo Kubogini qo'lga kiritadi. Biz esa 1/8 finalda Avstraliyaga penaltilar seriyasida imkoniyatni boy berib, uyga qaytamiz.
16.10.2018. O'rtoqlik uchrashuvi. "Bunyodkor" stadioni.
O'zbekiston - Qatar 2:0
Gollar: Odil Ahmedov, Marat Bikmaev.
O'zbekiston: O'tkir Yusupov, Akmal Shorahmedov, Egor Krimec(Doston Tursunov), Anzur Ismailov, Oleg Zoteev, Odiljon Hamrobekov, Odil Ahmedov(Islom To'xtaxo'jaev), Husniddin G'ofurov(Dostonbek Hamdamov), Javohir Sidiqov, Ikrom Aliboev(Vladimir Kozak), Eldor Shomurodov(Marat Bikmaev).
Fevralda bo'lib o'tgan ushbu bahs hali barchaning yodida ekanligi aniq. Terma jamoamiz Osiyo Kubogining chorak final bahsida mezbon Qatar bilan to'qnash keldi. Afsuski, terma jamoamiz bu safar ham penaltilar seriyasida imkoniyatni boy berdi va musobaqani erta tark etdi. Bugun fevraldagi bahs uchun qasos olish vaqti keldi yigitlar. Olg'a, O'zbekiston.
03.02.2024. Osiyo Kubogi-2023 1/4 final. "Al Bayt" stadioni.
Qatar - O'zbekiston 1:1 (penaltilar seriyasi 3:2)
Gollar: O'tkir Yusupov (avtogol) - Odil Hamrobekov.
O'zbekiston: O'tkir Yusupov, Farrux Sayfiev (Zafarmurod Abdirahmatov, 99), Rustam Ashurmatov, Otabek Shukurov, Odil Hamrobekov, Jaloliddin Masharipov, Oston O'runov (Shahboz Umarov, 74), Umar Eshmurodov, Azizbek Turg'unboev (Muhammadqodir Hamraliev, 106), Abbosbek Fayzullaev (Hojimat Erkinov, 114), Abdulla Abdullaev.
Noyabr oyidagi bahs, 3-saralash bosqichining 5-turidan o'rin olgan edi. Oktyabr oyidagi yig'inlarda ishtirok eta olmagan Srechko Katanec Qatarga qarshi uchrashuvdan oldin terma jamoa lageriga qaytgan edi. Uchrashuv qiziqarli va kurashlarga boy kechgan edi. Raqiblar birinchi bo'limning o'zidayoq ikki marotaba darvozamiz tomon yo'l topa olishgandi, ammo Abbos Fayzullaevning ikkinchi bo'limdagi "dubli" muvozanatni tiklagan edi. Afsuski, 90+12 daqiqada Qatar terma jamoasi standart vaziyatga ega bo'ladi va himoyachi Lukas Mendesning zarbasi to'singa tegib, darvozadan joy oladi. Srechko Katanec esa uchrashuvdan keying matbuot anjumanida jamoa qanday qilib so'nggi daqiqada gol o'tkazib yuborganini tushunmayotganligini aytgan edi.
14 noyabr 2024 yil. Doha, "Jassim bin Hamad" stadioni.
Qatar - O'zbekiston 3:2
Gollar: 1:0 — 26, Almoez Ali, 2:0 — 41, Almoez Ali, 2:1 — 75, Abbos Fayzullaev, 2:2 — 80, Abbos Fayzullaev, 3:2 — 90+12, Lukas Mendes.
Qatar: 22.Meshal Barsham, 4.Muhammad Vaad, 5.Tari Salmon (9.Muhammad Muntari, 87), 7.Ahmad al-Ganehi (6.Abdul Aziz Hatim, 69), 10.Akram Afif, 12.Lukas Mendes, 13.Ibrohim Muhammad (11.Yusuf Abdurisag, 87), 15.Bassam Al Ravi (3.Abdulla Al Yazidi, 78), 16.Bualem Xuxi, 19.Almoez Ali, 20.Ahmed Fati Abdulla.
Zaxira: 1.Saad Al Shib, 21.Marvan Sherif Badreldin, 2.Al Mahdi Ali Muxtor, 8.Jassim Jobir Abdulsalam, 14.Homam Ahmed, 17.Mustafo Tariq Mashal, 18.Sulton Al Brake, 23.Abdulrahmon Fahmi Mustafo.
O'zbekiston: 1.O'tkir Yusupov, 2.Abduqodir Husanov, 3.Hojiakbar Alijonov, 7.Otabek Shukurov (8.Jamshid Iskanderov, 65), 9.Odil Hamrobekov, 13.Sherzod Nasrullaev (8.Farrux Sayfiev, 65), 14.Eldor Shomurodov (10.Jaloliddin Masharipov, 22), 18.Abdulla Abdullaev (17.Bobir Abdixoliqov, 45), 19.Azizbek Turg'unboev (5.Rustam Ashurmatov, 90+1), 22.Abbosbek Fazullaev, 23.Husniddin Aliqulov.
Zaxira: 12.Abduvohid Nematov, 16.Botirali Ergashev, 4.Farruh Sayfiev, 6.Akmal Mozgovoy, 11.Azizbek Amonov, 15.Umar Eshmurodov, 20.Hojimat Erkinov, 21.Abdurauf Bo'riev.
Bosh sahifaga
308
