"Eron bilan o'yin biz uchun qiyin va muhim edi, ayniqsa yangi murabbiy qo'l ostida ahamiyatga ega edi. Endi bizning maqsadimiz o'zgardi. Biz to'g'ridan-to'g'ri saralash bosqichidan o'tmoqchi edik. Ammo pley-offga chiqdik va bizda ikkinchi imkoniyat bor. Inshaalloh, uni qo'ldan boy bermaymiz.
O'zbekistonga qarshi o'yin, shubhasiz, qiyin o'tadi. O'zbekiston terma jamoasi ilk bor jahon chempionatiga yo'llanma oldi. Ular hamon muvaffaqiyatni bayram qilishmoqda va, albatta, mag'lubiyatni xohlamasliklari aniq.
Xuddi shu holat bizga ham taalluqli, chunki biz bu guruhda Eronni enggan yagona jamoamiz. Bu biz uchun katta yutuq. O'zbekistonga nisbatan ham shunday tarifni ishlatishimiz mumkin. Biz O'zbekistonni mag'lub etgan yagona jamoamiz. Bunday natijalar bizning kuchli va hurmatga sazovor jamoa ekanligimizni ko'rsatadi.
Inshaalloh, biz bo'lajak o'yinga tayyormiz. Muhim uchrashuv oldidan juda hayajondamiz. Murabbiy, albatta, mag'lubiyatimizni istamaydi.
Biz bu o'yinga shaymiz va muxlislarni xursand qilamiz", dedi 27 yoshli futbolchi.
Eslatib o'tamiz, jahon chempionati 3-saralash bosqichi 10-turidan o'rin olgan O'zbekiston – Qatar uchrashuvi 10 iyun kuni Toshkentdagi "Bunyodkor" stadionida o'tkaziladi. O'zbekiston mundial yo'llanmasini muddatidan ilgari hal qilgan bo'lsa, Qatar pley-off bosqichida kurash olib boradi.
Bosh sahifaga
192