Angliya terma jamoasining sobiq bosh murabbiyi Yangil Yil arafasida Buyuk Britaniya qiroli Karl III tomonidan tasdiqlangan mukofotlanganlar ro'yxatiga kiritilgan edi. 54 yoshli mutaxassis bugun rasman unvonga ega bo'ldi – Vindzor qasrida uning elkasiga shamshirni Shahzoda Uilyam tutdi.
Sautgeyt ricar unvoniga ega Angliya terma jamoasi murabbiylaridan to'rtinchisi bo'ldi. Bundan avval Uolter Uinterbottom, Alf Ramsi va Bobbi Robson bu unvonga sazovor bo'lishgan.
Garet Angliya terma jamoasini 8 yil davomida boshqardi. Evro-2024da inglizlar 2-o'rinni egallaganidan so'ng u istefoga chiqdi.
Uning rahbarligida jamoa 2018 yilgi Rossiyadagi JCHda 4-o'rinni egalladi, shuningdek, ikki marta Evropa chempionati finaliga chiqdi.
Inglizlar Sautgeyt boshqaruvida 102 o'yinda 61 g'alabaga erishishdi, 24 ta durang qayd etishdi va 17 marta mag'lubiyatga uchrashdi.
Bosh sahifaga
408