2026-yilgi jahon chempionati chiptalarini sotish dasturining birinchi bosqichi 2025 yil 10 sentyabrda boshlanishi Xalqaro futbol federaciyasi (FIFA) rasmiy saytida elon qilindi.
10 sentyabrdan boshlab muxlislar chipta sotib olish uchun ariza topshirishlari mumkin. Agar arizalar soni chiptalar sonidan oshib ketsa, g'oliblar tasodifiy tanlov asosida aniqlanadi. Chiptalarga bo'lgan yuqori talab kutilayotgani sababli, ular bosqichma-bosqich chiqariladi.
Shuni takidlash joizki, muxlislarga hozirdanoq FIFA saytidagi maxsus bo'limda ro'yxatdan o'tish va alohida identifikator yaratish tavsiya etilmoqda. Bu identifikatorsiz chiptalarni sotib olish imkonsiz bo'ladi.
"AQSHda o'tkazilgan klublar jahon chempionatining misli ko'rilmagan muvaffaqiyatidan so'ng, jahon chempionatiga bo'lgan qiziqish yangi cho'qqilarga ko'tarilmoqda. Biz butun dunyoni yana bir bor Shimoliy Amerikada kutib olishni intizorlik bilan kutmoqdamiz. U erda Kanada, Meksika va AQSH tarixdagi eng ulkan va ko'lamdor sport tadbirini o'tkazadi," - dedi FIFA prezidenti Janni Infantino.
2026-yilgi jahon chempionati 11 iyundan 19 iyulgacha AQSH, Meksika va Kanadada bo'lib o'tadi. Bu turnirda ilk bor 48 ta jamoa ishtirok etadi. Musobaqaning final bosqichi uchun qura tashlash marosimi dekabr oyida o'tkaziladi.
Bosh sahifaga
315