"Mashal" jamoasida bir yarim yil davomida ishonchli ravishda posbonlik qilgan Vladimir Vagin klubni tark etdi. Ikki tomonlama kelishuvga asosan, futbolchi va klub o'rtasidagi shartnoma bekor qilindi. Vagin 2024 yil boshida "Mashal" safiga qo'shilgan edi va shu vaqt mobaynida ko'plab muhim uchrashuvlarda darvozani muhofaza qilib, o'zining professional tajribasi va mahoratini namoyon etdi. Uning jamoaga qo'shgan hissasi muxlislar va murabbiylar tomonidan munosib baholandi. Klub rahbariyati Vladimir Vaginga ushbu davr mobaynida ko'rsatgan xizmati uchun minnatdorchilik izhor etadi va uning kelgusidagi faoliyatiga omad tilaydi.
Ibrohim Numonov ham “Mashal” bilan xayrlashdi. Yarim himoyachi Ibrohim Numonov birinchi davrada “Mashal” sharafini himoya qilgan edi. Klub va futbolchi o'rtasidagi ikki tomonlama kelishuvga ko'ra, u klubni tark etdi. Ibrohim jamoada bo'lgan muddat davomida o'zining mehnatsevarligi va fidoiyligi bilan muxlislar mehrini qozongan edi. Unga kelgusidagi faoliyatida omad va zafarlar tilab qolamiz. Rahmat, Ibrohim!", — deyiladi muborakliklar xabarida.
Bosh sahifaga
450
20 Iyul 2025, 16:01