Lunin "Manchester Yunayted"ga o'tishi mumkin

Manbaga ko'ra, 25 yoshli posbonga Angliyaning "Manchester Yunayted" klubi qiziqish bildirgan. "Qizil iblislar" ustozi Ruben Amorim jamoa rahbariyatiga darvozabon sotib olish shartini qo'ydi. Birinchi raqamli nishon - "Aston Villa"dan jahon chempioni Emiliano Martines, ikkinchi raqamli nomzod aynan Lunin.

Biroq, Martines Saudiya klublaridan yanada foydaliroq moliyaviy takliflarga ega, shuning uchun inglizlar yaqin orada "Real" bilan Luninga oid muzokaralarni faollashtirishi mumkin.

O'tgan mavsumda Lunin barcha musobaqalarda 14ta o'yin o'tkazib, 19ta gol o'tkazib yuborgan. Bundan tashqari, ukrainalik olti marta "quruq o'yin" o'tkazgan. Transfermarkt internet portali malumotlariga ko'ra, futbolchining taxminiy narxi - 18 mln evro.