Rossiyalik mutaxassis O'zbekiston terma jamoasi tibbiyot xodimlariga JCH-2026 saralash bosqichining hal qiluvchi o'yinlarida ko'maklashgandi.
"O'zbek futbolchilarining jarohat olishga moyilligi borasida katta ustunligi bor: ko'pchilik namoz o'qiydi. Bir paytlar biz namoz mushaklarning shikastlanishini kamaytirishini ko'rsatadigan tadqiqotlar o'tkazgan edik. Misol uchun, sonning orqa qismidan jarohat olish xavfi bir necha martaga kamayadi.
Bu qanday sodir bo'ladi? Futbolchilar yoshligidan namoz o'qishga moslashgan, fiziologik nuqtai nazardan bu mushaklar shikastlanishining oldini olish uchun ajoyib mashq – sonning orqa mushaklari ishlaydi, ular doimo cho'ziladi.
Biz bu xususiyatga Saudiya Arabistoni orqali keldik. CSKAda ishlagan ispaniyalik fitnes murabbiyi Paulino Granero ham bir vaqtlar Saudiya Arabistonida faoliyat yuritgan. Va u shunday dedi: "Mahalliy futbolchilar deyarli hech qachon sonning orqa qismidan jarohat olmaydi".
Garchi bu umuman futbolda eng ko'p uchraydigan jarohatlardan biri bo'lsa ham. Buni tushuna boshlaganimizda, saudiya arabistonilik futbolchilarni legionerlardan ajratib turadigan yagona narsa bu namoz ekanligini bilib oldik. Shundan so'ng tadqiqot ishlarini boshladik va bu borada o'zbek futbolchilari bilan ham ishlashga kirishdik", – dedi Bezuglov.
Eduard Bezuglov ishtirokidagi "Fint Turaeva" podkastining to'liq versiyasini havola orqali tomosha qilishingiz mumkin (rus tilida):



Bosh sahifaga
662
28 Iyul 2025, 14:27