Kecha Mirabror Usmonov xotirasi uchun o'tkazilgan musobaqada O'zbekiston U-23 terma jamoasi (2003 yil va undan keyin tug'ilgan futbolchilar) Yaponiya olimpiya terma jamoasiga (2005 yil va undan keyin tug'ilgan futbolchilar) 0:2 hisobida yutqazib qo'ydi.
Yaponiyaning maqsadi tushunarli ular 2028 yilgi Olimpiada uchun harakatni mana shu terma bilan boshlashgan. Hozir 19-20 yoshli futbolchilar ikkita U-23 Osiyo kubogida ishtirok etishadi. Chunki ularning yoshi bunga yo'l qo'yadi.
Timur Kapadze olimpiya terma jamoasiga bosh murabbiy bo'lganida esingizda bo'lsa kerak O'zbekistonda o'tgan U-23 Osiyo kubogida U-21 bilan qatnashgan va finalgacha chiqqandi, keyin Qatardagi U-23 Osiyo kubogida ham qatnashib Olimpiada yo'llanmasini qo'lga kiritgandi.
Nega biz ham bu tajribadan voz kechganimizga tushunmadim. Nega hozirning o'zidan U-23 terma jamoasi negizida Farhod Nishonov boshchilik qilayotgan jamoani (2005 yil va undan keyin tug'ilgan futbolchilar) shakllantirmayapmiz? Axir bo'lajak U-23 Osiyo kubogi Olimpiadaga yo'llanma bermaydiku.
Hozirgi futbolchilarda (2003 yil va undan keyin tug'ilganlar) nima ayb deyishingiz mumkin. To'g'ri ularda ayb yo'q, rahbariyat shunday qaror qabul qilgan va hamma futbolchilarimiz har qanday holatda ham terma jamoada o'ynashga doim tayyor. Agar yoshi bo'yicha chaqirib sovrin yutish vazifasi qo'yilgan bo'lsa ertaga bu jamoaga Abbos Fayzullaev va Abduqodir Husanov ham chaqiriladimi?
U-23 Osiyo kubogida yoshlarga imkon bermaydigan bo'lsak faqat va faqat chempionlik qo'lga kiritilsagina bu qaror to'g'ri bo'lib chiqadi. Shunday ekan hozir U-23 jamoasida o'ynayotgan ukalarga murojaat: Rahbariyatning qarori o'zini oqlashi uchun U-23 Osiyo kubogida g'olib bo'ling.
Lekin unutmangki Yaponiya sizdan 2-3 yosh kichik futbolchilar bilan boradi Osiyo kubogiga ham.
739480 
Bosh sahifaga
388
29 Iyul 2025, 13:46