"Fichajes" nashri xabariga ko'ra, uchinchi divizion klubi "Real Mursiya" 34 yoshli italiyalikka alohida shartlarni ichiga olgan taklif bilan chiqqan: taxminan 500 ming evro maosh – bu klubning standart imkoniyatlaridan sezilarli darajada oshib ketadigan miqdor, shuningdek, klub atributlari sotuvining foizi va o'z homiylarini jalb qilish huquqi.
Balotellining qarorini hafta oxirigacha kutishadi. Uning vakillari va klub prezidenti Felipe Moreno o'rtasidagi muzokaralar bevosita davom etmoqda, "Real Mursiya" uchun bu transfer nafaqat maydonda, balki marketing nuqtai nazaridan ham muhim.
Balotellining o'tgan mavsumi omadsiz o'tdi: u "Jenoa" safida A Seriyada bor-yo'g'i 6 o'yinda maydonga tushdi va gol urolmadi. Hujumchi yozda klubni erkin agent sifatida tark etgan edi.
Bosh sahifaga
230
