- Hammaga xayrli kech. Stadiondagi muhit uchun muxlislarga rahmat aytaman. Bugun ishqibozlar chiroyli stadionda juda chiroyli muhitni yuzaga keltirishdi. O'yinga keladigan bo'lsak, juda yaxshi kechdi. "Neftchi"ga qarshi oson bo'lmasligini bilardik va shunga yarasha tayyorgarlik ko'rgandik. G'alaba qozonganimizdan xursandmiz. Ushbu g'alaba bilan jamoamizdagi barchani tabriklayman.
- Ikkinchi davradagi o'zgarishlar jamoani kuchaytirdi deb hisoblaysizmi?
- Etibor bering, jamoamizni Odil Hamrobekov, Luis Kachorri, Azizbek Amonov kabi etakchilar tark etdi va ularning o'rnini birdaniga to'ldirish oson bo'lmaydi. Biz rahbariyat bilan bu masalani gaplashib, asosiy urg'uni o'z akademiyamizga qaratishni lozim topdik. Chunki bizda iqtidorli yoshlar ko'p. To'g'ri, bu tavakkal bo'lishi mumkin, ammo yoshlar bilan natijaga harakat qilamiz.
- Birinchi taymdagi qizil kartochkali holat bo'yicha fikringiz?
- Bugungi uchrashuvda hakamlik yaxshi saviyada kechdi deb ayta olaman. O'sha vaziyatda qizil kartochkali holat deb o'yladim, ammo hakamlar boshqacha qaror qabul qilishdi, demak ularga yaxshiroq ko'ringan bo'lishi mumkin.
- Hakamning vodiydan ekanligi sizda shubha paydo qildimi?
- Yo'q, men hakamlarning qaerdan ekanligiga mutlaqo qaramayman. Biz hammamiz o'zbekistonlikmiz va futbolni kuchaytirish uchun ishlaymiz. Yurtimizda futbolga etibor o'smoqda. Hakamlar saviyasi ham o'yinga mos ravishda ortib boradi. Bugungi uchurashuvda hakamlar hech kimga yon bosmadi.
- "Bunyodkor" safarda yaxshi natijalar qayd etyapti. Bu haqda nima deya olasiz?
- Kuchli jamoalarga qarshi tayyorgarlik qiyin kechmaydi, futbolchilar ham o'zlarini tayyorlab boradilar. Endi keyingi turni "Sho'rtan"ga qarshi o'tkazamiz. Hozirdan sezib turibman, juda qiyin o'yin bo'ladi.
Bosh sahifaga
174