Neymar "GiveMeSport" nashriga u ko'rgan eng yaxshi yarim himoyachi "Barselona" va Ispaniya terma jamoasining sobiq futbolchisi Andres Inesta ekanligini aytdi. Braziliyalik futbolchi Inesta shunchaki aql bovar qilmas mahoratga ega ekanligini takidladi.
"U aql bovar qilmas futbolchi va hatto "Oltin to'p"ga ham muhtoj bo'lmagan afsona. Andres hammadan farq qiladi. Unda o'ziga xos nafislik va g'oyat yuksak darajadagi mahorat mavjud edi", – deya qo'shimcha qildi Neymar.
Eslatib o'tamiz, 2024 yilning oktyabr oyida Andres Inesta futbolchilik faoliyatini yakunlaganini elon qilgandi. Ispaniyalik futbolchining so'nggi klubi BAAning "Emireyts" jamoasi bo'lgan. Yarim himoyachi faoliyatining ko'p qismini "Barselona" tarkibida o'tkazgan.
Bosh sahifaga
107
