Mourinyo "Real"ning "Barselona" ustidan qozongan g'alabasini va hakamlikka baho berdi

2026-10-26 08:24:01 / Kiritdi: BestMaster  O'qilgan: 4256

"Real" bosh murabbiyi Joze Mourinyo Ispaniya La Ligasi 10-turidan o'rin olgan "Barselona"ga qarshi o'yindagi (2:1) jamoasining g'alabasi haqida to'xtalib o'tdi va hakamlikni baholadi.

"Bu ajoyib o'yin, yuqori darajadagi bahs bo'ldi. Shubhasiz, futbolni sevadigan har bir inson uni tomosha qildi, g'alaba uchun maydonga tushgan ikki jamoa ishtirok etdi. Bizning vaziyatga kelsak, men ko'proq o'z jamoam haqida gapiraman, ammo yigitlar juda ajoyib, juda tartibli, e'tiborli o'yin o'tkazishdi, juda kuchli pressing qilgan raqibga qarshi o'z darvozasi oldidan to'pni mardonavor o'yinga kiritishdi. Bizda hisobni 2:0 qilish uchun imkoniyatlar bo'ldi, Jude va Kilian bilan ikkiga bir vaziyatga chiqib bordik… Albatta, "Barselona" ikkinchi bo'limda reakciya bildirdi, ammo biz juda xotirjam va tartibli o'ynashni davom ettirdik va hatto 1:1 hisobida ham sovuqqonlikni yo'qotmadik.

Kaytaraman, ajoyib o'yin o'tkazgan hakam boshchiligida kuchli raqibni mag'lub etdik. VAR, nazarimda, 60-daqiqani o'tkazib yubordi - Diomandega nisbatan Joau Kanseluning harakati aniq qizil kartochka edi - ammo bu ajoyib o'yin, ajoyib g'alaba bo'ldi", - deydi Mourinyoning so'zlarini Marca nashri.

Teglar: mourinyo, realning, barselona, ustidan, qozongan, galabasini, hakamlikka, baho, berdi,
← OldingaOrqaga →