Rossiya sharafini himoya qiluvchi qozog'istonlik 12 yoshli Bibisora Asauboevaga Moskva viloyati, Ximka shahri ma'muriyati tomonidan kvartira sovg'a qilindi. Bu haqida Chess-news.ru nashri ma'lum qildi.
Manbada ta'kidlanishicha, shaxmat tarixida bunaqasi bo'lgan emas. Katta yoshli jahon chempionlari ukrainalik Anna Ushenina va Mariya Muzichuklar hali-hanuz va'da qilingan kvartirani olishmagan, Rossiyada esa kuchli grossmeysterlarga faqat avtomobil sovg'a qilishgan.
Asauboevaning yangi uyida ta'mirlash ishlari o'tkazilgan. Sportchi unga ajratilgan kvartiraga ko'chib o'tgan.
31 oktyabrda Bibisora Asauboeva o'z faoliyatida beshinchi marta bolalar orasidagi jahon chempionatida g'olib bo'lgan. Bu uning uchun Rossiya bayrog'i ostidagi ilk g'alabadir. U sentyabr oyi boshida Rossiya terma jamoasiga kelib qo'shilgan.
12 yoshli Bibisora Taraz shahrida tug'ilgan va bir necha marta shaxmat bo'yicha mamlakat chempioni bo'lgan. 7 yoshida unga FIDE ayollar ustasi unvoni berildi - bu esa rekord natija hisoblanadi.
Qozog'iston shaxmat federatsiyasida sportchining Rossiyaga ketishini qizning o'zi va Liana Tanjarikovaning (sportchining onasi va murabbiyi) qarori, deya izohlashdi.
Manba: Xabardor.uz
Qo`shilgan vaqti: 5 Noyabr 2016, 00:00