Exidnalar (Avstraliyada va uning atrofidagi bazi orollarda yashaydigan kirpisimon jonivor) etarlicha o'jar hayvon sanaladi. Kamdan-kam inson bunday hayvonni silagisi keladi. Biroq Sidneydagi Taronga hayvonot bog'i (Taronga Zoo)da dunyoga kelgan bu uchta go'dak exidnalarni ko'rishingiz bilan ularni qo'lga olgingiz keladi. Exidnalar Gani, Spayk va Pitpinning 29 yil ichida ilk marotaba tutqinlikda farzandlari tug'ildi. 

Bolalar o'n kunni tuxum ichida o'tkazishadi, keyin esa yorib chiqishadi. Shundan so'ng ularni onasi sumkada ikki oyga yaqin olib yuradi. Chaqaloqlar ko'zlarini ochishdi va ularda ignalar o'sa boshladi. Uchta turli onalardan tug'ilgan exidnalar hayvonot bog'ining maxsus inkubatorida saqlanmoqda. U erga har uch-olti kunda onalar ovqatlantirish uchun keib turadi.

«Barcha onalar bolalarni yaxshi parvarishlamoqda. Onalarning biri Spayk juda ham g'amxo'r va kunora go'dagini ovqatlantirish uchun kelaveradi», — Taronga hayvonot bog'ining xodimasi Syuzi Lemon.

«Bu o'tkir mavjudotlarni juda ko'p jumboqlar o'rab olgan. Tabiatan exidnalar juda ham xavfli va ayyor, shu sababli ularning tabiiy onalik instinktlarini o'rganish qiyin», — deb qo'shimcha qildi u.