«Barselona» yarim himoyachisi Arda Turon Xitoyning «Shanxay Shenxua» klubi bilan 3 yillik shartnoma borasida kelishuvga erishdi. Fanatik nashri tarqatgan xabarga ko'ra, turkiyalik futbolchining yillik maoshi 20 mln evroni tashkil qiladi.

Ma'lumotlarga qaraganda, 29 yoshli futbolchi Xitoy klubiga o'tishga rozi bo'ldi. Endi klublar futbolchining transferi borasida kelishib olishsa bo'lgani.

Turon 2015 yildan beri «Barselona» safida o'ynamoqda. U mazkur mavsumda 21ta o'yinda maydonga tushib, 11ta gol urdi va 7ta golga assistentlik qildi. Uning kataloniyaliklar bilan amaldagi shartnomasi 2020 yilning yoziga qadar tuzilgan.

Avvalroq Turonning xizmatlariga «Guanchjou Evergrand» qiziqish bildirayotgani haqida xabar tarqalgandi. Bu jamoa futbolchiga 3 yil davomida jami 50 million evro maosh taklif qilgandi.