«Manchester Yunayted» hujumchisi Zlatan Ibrahimovich yozgi transfer paytida Xitoy klubiga ko'chib o'tishi mumkin. Bu haqda Sky Sports xabar tarqatdi.

Manbaga ko'ra, 35 yoshli shvetsiyalik futbolchiga Xitoydan taklif bor. Zlatan bu taklifni qabul qilsa, jahonning eng ko'p maosh oluvchi futbolchisiga aylanishi mumkin.

Ma'lumot o'rnida. Hozirda «Shanxay Shenxua» hujumchisi Karlos Teves dunyoning eng ko'p maosh oluvchi futbolchisi hisoblanadi. U haftasiga 720 ming evro maosh olmoqda.

Eslatib o'tamiz, Ibrahimovichning «qizil iblislar» bilan amaldagi shartnomasi shu mavsumning yakunida oxiriga etadi, lekin shartnoma yana bir yilga uzaytirilishi mumkin. Ibrahimovich ushbu mavsumda «Manchester Yunayted» safida APL doirasida 25ta o'yinga maydonga tushib, o'z hisobiga 15ta gol yozib qo'ydi.