«Barselona» rahbariyati yarim himoyachi Andre Gomeshni transferga qo'ymoqchi emas, deya xabar tarqatdi Marca.

"Ko'k-anorranglilar" portugaliyalik futbolchiga ishonishda davom etadi va kelasi mavsumda uning xizmatlaridan foydalanmoqchi.

So'nggi paytlarda "Kamp Nou"ga yig'ilgan muxlislar Gomeshga nisbatan bir necha marta hushtakbozlik qilishgandi. Bu holat Ispaniya chempionatining 28-turi doirasida "Valensiya"ga qarshi o'yinda (4:2) ham takrorlandi.

O'yindan keyin kataloniyaliklar himoyachisi Jerar Pike o'z fikrini bildirib, Gomeshga hushtak chalayotgan muxlislarga yaxshisi uyda o'tirishni maslahat berdi.