«Real» himoyachisi Pepe faoliyatini Xitoyning «Xebey Chayna Forchun» klubida davom ettirish haqidagi fikrini o'zgartirdi.

Portugaliya terma jamoasi futbolchisi xitoyliklarning 12 million evro yillik maoshdan iborat taklifiga rad javobini berdi. Himoyachi oldida «PSJ» va «Manchester Siti» variantlari bor.

Ushbu jamoalar bosh murabbiylari — Unai Emeri va Xosep Gvardiola mashhur agent Jorje Mendesh bilan bog'lanib, malakali himoyachi topib berishni so'rashgan.

Terma jamoa murabbiylar shtabi oldinda JCh-2018 musobaqasi kutib turganini inobatga olib, Pepega kuchli jamoada faoliyatini davom ettirishni maslahat bergan. 34 yoshli futbolchi moliyaviy tomondan yo'qotishga uchrasa-da, Mundialda ishtirok etishni niyat qildi.