«MYu» hujumchisi Antoni Marsial kelasi mavsumda ham klub tarkibida to'p suradi.

Bu haqda uning agenti Filipp Lamboli xabar bermoqda.

«Marsialning «MYu» bilan imzolagan shartnomasi yana ikki yil amal qiladi. Jamoani tark etishi uchun unda hech qanday sabab yo'q. Agar bosh murabbiy yoki rahbariyat uning ketishini istab qolsa, avvalo menga xabar qilishgan bo'lardi. Ammo biz buni muhokama qilmadik» - dedi agent.

Eslatib o'tamiz, Marsial «Manchester Yunayted»ga 2015 yilda «Monako» klubidan 60 mln evro evaziga kelib qo'shilgandi. Joriy mavsumda u asosiy tarkibdagi o'rnini yo'qotdi.