“Hujum sizga o'yinni yutishga yordam beradi, himoya esa sizni sovrinlar sari etaklaydi”, degan edi “qizil iblislar”ning afsonaviy murabbiyi Ser Aleks Fergyuson. SAF bu bilan Stiv Bryus – Gari Pallister, Yaap Stam – Ronni Jonson va Rio Ferdinand – Nemanya Vidich kabi himoya juftliklarini nazarda tutgan edi.

Fergyuson kabi, Mourinoning ham asosiy tashvishi himoya chizig'i bo'lib qolmoqda. Shu maqsadda “Benfika”ning shvetsiyalik himoyachisi Lindelyof olib kelinmoqda.

Keyingi mavsumdan Erik Bayi bilan birga “Manchester Yunayted” himoyasini qo'riqlashi kutilayotgan Lindelyof asosiy tarkibdan muqim joy egallashi uchun unda barcha sifatlar etarli. Uning jamoadoshi Bayi Premer Ligada 25 uchrashuvda ishtirok etganiga qaramay Kris Smolling bilan 2015 yilgi yuqori formasini namoyish eta olmadi.

Markos Roxo o'tgan yilgi mavsumdagiga qaraganda ancha ishonchliroq o'ynadi, biroq aprelda jiddiy jarohat olishi uni yana maydondan tashqarida qolib ketishini ta'minladi. Fil Jons ham tez-tez jarohat olishi bilan yodda qoldi. Aksel Tuanzebe va Deyli Blindlar esa Mourinoning rejalariga kirmay qo'ygan.

Lindelyof bilan jamoa ideal himoyachini qo'lga kiritdi. Himoyachi albatta xatolardan holi emas biroq, Bayi bilan himoya chizig'ida ajoyib juftlikni hosil qilishi mumkin. Ikkalasi ham yangi mavsum boshida 23 yoshni qarshilaydi va “O'zgacha”ning ishonchiga aylana olishlari mumkin.

Kuchli himoya chizig'ini hosil qilingach, klubning yarim himoya chizig'i ham himoyaviy vazifalaridan ozod etilib hujumkorlikni kuchaytirishlari mumkin. Albatta, yagona transfer bilan klub Evropaning etakchi jamoasiga aylanib qolmaydi. Biroq, bu olg'a tashlangan muhim qadam bo'ldi.