"Barselona" yozgi transfer paytida yuqori saviyali yarim himoyachi sotib olishni rejalashtirmoqda.

Sport.es tarqatgan xabarga ko'ra, "Barselona" Marko Verratti "PSJ" bilan o'zining transferi borasida kelishuvga erishishiga umid qilmoqda. Ammo parijliklarning to'sqinligi tufayli mazkur transfer amalga oshmay qolishi mumkin.

Shu bois, "Barselona" rahbariyati Verrattiga zaxira variant sifatida APLdan ikki futbolchi topib qo'ydi: Ander Errera ("Manchester Yunayted") va Riyoz Mahrez ("Lester"). Ushbu nomzodlarga "ko'k-anorranglilar" bosh murabbiyi Ernesto Valverde o'z roziligini bergan.

Avvalroq Errera "MYu"ni tark etmoqchi emasligi, Mahrez esa "Barsa"dan taklif kutib charchagani bois, "Arsenal"ning taklifini qabul qilishga qaror qilgani haqida xabarlar tarqalgandi.