«Pari Sen-Jermen» yozgi mavsumoldi yig'ini doirasida AQSh bo'ylab turne uyushtiradi. Parijda ushbu musobaqaga bag'ishlangan reklama bannerlari yaratildi.

Ushbu bannerlarda Tiago Silva, Anxel Di Mariya, Yulian Draksler, Edinson Kavani, Adrian Rabo, Lukas Moura va Markinos yirik planda aks ettirilgan. Ammo «PSJ» bannerlarining birortasida yarim himoyachi Marko Verrattining suratini joylashtirilmadi.

Bu orqali «PSJ» futbolchining yozda jamoani tark etishiga ishora qilmoqda. Eslatib o'tamiz, so'nggi 1 oy davomida Verratti «Barselona»ga o'tish niyati borligini ta'kidlab kelmoqda.