«Arsenal» klubi «Monako» hujumchisi Kilian Mbappeni qo'lga kiritish harakatidan to'xtamayapti.

«Kanonirlar» yaqin orada 18 yoshli futbolchi uchun 125 mln funt taklif qilmoqchi, deb xabar beradi Mirror.

Bosh murabbiy Arsen Venger yaqinda Kilianning otasi bilan uchrashib, agar u «Real» tarkibiga o'tsa, zaxirada qolib ketishini, «Arsenal»da esa doimiy ravishda asosiy tarkibda o'ynashini aytgan. «Monako» rahbariyati futbolchini qo'yib yuborishga qarshi emas, biroq so'nggi qaror Mbappening o'zidan.

Eslatib o'tamiz, ayni paytda hujumchi bilan «Real» va «PSJ» ham qiziqmoqda. Mbappening yoshlikdan madridliklar muxlisi ekani barcha ayon.