«Barselona» klubining transfer maqsadi bo'lmish ikki nafar futbolchi kataloniyaliklar tarkibiga o'tishni istamadi.

Marca xabariga ko'ra, «Barsa» rahbariyati PSJ yarimhimoyachisi Anxel Di Mariyani qo'lga kiritmoqchi edi. Biroq, avvalroq «Real» tarkibida o'ynagan futbolchi kataloniyaliklar safini to'ldirishdan bosh tortdi.

Bundan tashqari, «Atletiko» yarimhimoyachisi Saul Niges ham «Kamp Nou»da to'p surishni xohlamadi. 22 yoshli futbolchi «matraschilar»ga sodiq ekanini ko'rsatib, 2026 yilgacha mo'ljallangan yangi shartnomaga imzo chekdi.