Rossiya premer-ligasi klubi o'zbekistonlik futbolchilardan birini o'z safiga qo'shib olishi mumkin.

Bu haqda OFK sobiq komissari Alisher Nikimbaev o'z tvitterida yozdi.

«Tez orada Rossiya premer-ligasida to'p suradigan o'zbekistonlik futbolchilar soni yana bittaga ko'payadi. Kamtargina klub. Lekin shu ham futbolchimizga tramplin vazifasi o'tashi kerak. Yangilikni kuting», - deb yozdi Nikimbaev.

Nikimbaev aynan qaysi futbolchi qaysi jamoaga o'tishi haqidagi savolni ochiq qoldirgan.

Katta ehtimol bilan gap «Bunyodkor» futbolchisi Dostonbek Hamdamov yoki Eldor Shomurodov haqida ketmoqda. Avvalroq, Hamdamov «Axmat», Shomurodov esa TsSKA klubi ko'rigida bo'lib qaytgandi.