Romelu Lukakuni qo'lga kirita olmagan "Chelsi" endi e'tiborini boshqa hujumchilarga qaratishga majbur bo'lmoqda.

"Sky Sports" tarqatgan xabarga ko'ra, "Torino" forvardi Andrea Belotti "ko'klar" safiga o'tishga nomzod bo'lib turibdi. Shuningdek, "aristokratlar" "Real" hujumchisi Alvaro Morataga ham qiziqish bildirishmoqda. Antonio Konte "Yuventus"ni boshqargan paytda Morata bilan birga ishlagan.

"Chelsi" Romelu Lukakuni xarid qilish uchun faol ish olib bordi, ammo belgiyalik futbolchi "Manchester Yunayted" safida tibbiy ko'rikdan o'tdi va yaqin orada mankunianliklar bilan shartnoma imzolaydi.