"Bavariya" klubi boshqaruv raisi Karl-Xaynts Rummenigge "Arsenal" hujumchisi Aleksis Sanches myunxenliklar safiga o'tmasligini ma'lum qildi.

"Aleksis Sanches nimalar degani bizga qiziq emas. Men bu haqda bilmayman. "Bavariya" boshqa bu jarayonda ishtirok etmaydi", – dedi Rummenigge.

Eslatib o'tamiz, Aleksis Sanches Chempionlar ligasida o'ynashni va unda g'olib chiqishni istashini ta'kidlagandi. Bundan tashqari, chililik futbolchi "Arsenal"ning mavsumoldi turnesida ishtirok etmaydi. Avvalroq Sanchesga "Manchester Siti" va "Bavariya" klublari jiddiy qiziqish bildirishgandi.

Transfermarkt ma'lumotiga ko'ra, Aleksisning "Arsenal" bilan shartnomasi 2018 yilning yozida yakuniga etadi.